食飽飽飽~~~~

早前大熱的〝熊貓麵包〞勁可愛，好想好想學~~~
見到雜誌有段廣告，買滿HK$80元銀x牛油就可以參加蛋糕班，其中一班是學熊貓麵包；即刻買夠數然後連同收據寄去報名登記；唔使抽架!!!…………等等等過晒期都冇聯絡過我
咁就比人欺騙咗、又買咗隻唔好食的牛油
之後就冇再研究點做〝熊貓麵包〞啦!
直至係fd見到朋友仔放了一條Link教人點整………
呵呵呵!好似好易~~~
網路真係好利害比我search到食譜，
簡直開心到跳起，還要即晚開工!!也不理會冇方包盒!!
第一、第二、第三、第四………哈第五次仲胆粗粗地教人整
（可惜她焗爐、爐火不均）


等我放D相比大家睇吓先:
第一次冇麵包盒的成果

第二次有麵包盒 （多謝Fian借盒比我）唉!!它還要自由組合

第三次再硏究––––靚咗好多啦!!


第四次同一份量改變顏色配答!!

第五次造包+第一次教人整包包 ~~~冇影相因為比她返屋企焗~~~
麵包拼圖真係好好玩、又神秘；末出爐都末知結果
依加差不多日日整包!!!遲D又變〝包痴〞啦!

2D Pooh Pooh Cake

同事的囡囡3歲時買過一隻蛋糕來慶祝生日………

之後就一直末再試過在生日時食「生日蛋糕」啦!!!

每次她想食都是自已在放學後/回家前在餅店買一件吃!!!

原因係……爸、媽不愛吃忌廉蛋糕!!!所以也不買

於是，每年她生日也是食壽包……（她好乖~~話她好喜歡食!!）

 

今年是她18歲生日，她問媽媽：『幫我問姨姨可唔可以訂一隻Pooh蛋糕呢?』

嘩!我聽到簡直目定口呆咁……多年生日都冇切蛋糕來慶祝!!!簡直難以置信呀!

當然要問清楚她想要的款式、口味啦!!務求囡囡有個難忘的18歲生日………

不過同事話:『事事但但、唔好對她咁好!!』（其實我估她係怕煩倒我就真!所以我話錢一定收你架~~~哈哈哈）

 

焗了3隻10〞朱古力蛋糕切片

畫好紙樣，分成四層切出Pooh形狀

舖上一層薄薄的朱古力漿/朱古力忌廉脆脆粒

開始忟忌廉、唧花

哈哈哈!今次的2D蛋糕比預算快很多完成了!!……

這幅是我畫的草圖………與製成品雖然有少許分別!但我也很滿足了！！

後記：

第二天同事話我知，她們7個人在酒樓食飯，約9點取蛋糕出來！！嘩聲四起……四圍的人走過來睇及影相!!! 最勁是她們食飽飯也可以KO那2磅的蛋糕…………

 

而最最最開心係同事的囡囡，因為今年的生日有Pooh Pooh cake~~~~

微酸的鳳梨卷 (附食譜)

其實對做鳳梨酥/鳳梨巻興趣不大
皆因工序多，價錢貴、產量少不合化算!

但早前朋友炒好了菠蘿餡，分別給我Maymay品嘗………
就係咁!
我第二天買了3隻小菠蘿+1隻大菠蘿+1隻魚翅瓜準備炒啦~~~~
嘩!原來唧菠蘿卷的小模具好貴架!!!（耍HK$32元，當然唔捨得買啦!!）
最後決定用近似的唧呾，效果也差不多 （哈哈哈!要付出手力呀）
以下的食譜經過3次的改良，可以做到50粒；總算不俗~~~

鳳梨餡做法 (360g)
材料：
新鮮鳳梨(大)      2隻

糖漿          20g（按個人口味加/減）

魚翅瓜適量 （eg：鳳梨100g、魚翅瓜50g）

做法：
鳳梨去皮、去中間部份、切片...以叉子壓至一絲絲...備用...

魚翅瓜去皮切成一片片...備用...白鑊煮鳳梨絲及魚翅瓜至收水...(~1小時)加入糖漿再炒至乾身及起膠狀(要不停手炒拌，以免底部燒焦)...放涼後放進雪櫃約半小時...

取出搓成小粒（約7g）

 

曲奇皮做法(247g)

材料：
牛油 （金桶）      80g       糖霜         22g 

低筋麵粉        95g    粟粉      20g

奶粉         5g    吉士粉     10g  

雞蛋 (半隻)  20g

做法：
牛油室溫放軟拌入糖霜混合...加入低筋麵粉、粟粉、奶粉、吉士粉、雞蛋搓勻...用保鮮紙包好粉團...放入雪櫃 1 小時備用(讓麵糰鬆弛下)..
鳳梨餡搓成粒狀備用...

將麵團唧成條狀後，卷入鳳梨餡封口...

預熱焗爐...以160 度焗~25

 

***用這款唧咀，一定不可放太多曲奇麵糰，否則很難唧

 

再做3D兔兔蛋糕

唧花蛋糕完全不容易掌握!!
雖然做了很多隻唧花蛋糕，還是末能得心應手
最近我的朋友生日，她好想有隻兔仔生日蛋糕來慶祝……
胆粗粗答應了她的請求，特別為她而開壇而做的〝3D兔兔蛋糕〞
今次的蛋糕好特別呀!
頭+手 = 朱古力脆脆忌廉+朱古力蛋糕
身+腳 = 芒果忌廉蛋糕
耳朵 = 朱古力曲奇餅
草地 = 忌廉+啫喱
這是材料的組合……接着是實際的架構

唉!腦海中有着好好的構圖~~~
但不知從那部份着手；所以用糖膏搓一隻小兔兔做參考……

噢!出事了~~濕度太高了！！兔兔的耳朵也慢慢彎下來
 
唉!今次的蛋糕不太滿意
–唧花不靚
–切割位、接口位唔順
–icing唔乾

但最可取及最自豪是：自家改裝蛋糕盒（好型呢!!!）好似兔籠~~~

3D兔兔蛋糕

停了沒有做蛋糕………
因為總是欠缺些！！！但不明??
所以12生肖好似冇望完成……
但今天又發作了！
興起又做蛋糕了……是仔仔愛吃的朱古力蛋糕

但仔仔見到就問：
〝咁樣點吃呀??〞（因為他早上趕時間返學呢!!）

預伴麵包粉

早前和Maymay專程入荃灣見識吓一座商場內幾間烘培店~~~
好開心由九樓開始shoping，再落一層………再上一層……
一路格價和上上落落~~~好玩呢!
講到收獲不算太多~~~
但特別要提的〉〉〉〉
我們買了預伴麵包粉，很方便呢!樣齊備，只要準備牛油及水………
看見〝無花果黑麥軟包〞好特別，我和Maymay各自買回家試做呢!
雖然是教用麵包機做的；我倆估計手搓都可以!!!
Maymay首先做……（回報：好難食!!）
聽到後思量點算呢??
嘩!HK$18一包（好貴!）
為了令口感好D……加多了依士、少量糖、大量乾果、合桃
總算解決了問題!!!
但我不會再買這些預伴麵包粉做包包~~~
始終價錢貴!!
它的份量只可以做2隻大包包…….
唉!!我加了這麽東西和買現成的分別不太!

芝麻餅、芝麻薄脆

〝芝麻〞是很健康的食品
所以收集了很多芝麻食譜……
由於最近要清理電腦儲存很久的相片、食譜等等……
哈哈哈!一定要快快行動呢!
首先由芝麻開始

1)芝麻薄脆： 

食譜 (引用西點小餅乾，紅色為適合個人口味作出更改)

蛋白     40g    溶牛油       25g

低筋粉   20g 糖  50g  45g

白、黑芝麻  40g 60g

 

製作過程

i) 蛋白坐熱水輕輕混合 (不用打發)

ii) 再加入過篩筋粉及糖, 攪拌至糖溶解

iii) 再逐少加入己溶牛油, 每次都充分混合

iv) 最後加入黑、白芝麻

v) 將麵糊抆平在焗盆上, 放入中層170c 焗~15mins

*要抆得薄一點, 才夠香脆；要注意爐火, 否則快焗濃~~~~

2)芝麻餅

 

做法和芝麻薄脆材料差不多；不同的是粉份量多了，需加入梳打粉、臭粉和鹽
要好吃點，都是要壓得薄；才夠香夠脆

蝴蝶酥

第一次接觸〝蝴蝶酥〞是大約一年前
朋友在坊間學習了它，更慷慨地親自示範如何製作……
之後我也不斷嘗試又練習
今天又再試啦!.
仲要嘗試中筋、低筋的分別~~~
哈哈哈!原來中筋好D、靚D!!! 但仍有過脆的口感!!


這是約一年前做的〝蝴蝶酥〞（2011年3月）

不停練習後，2011年9月整給大寶貝的下午茶點
好開心開始掌握到少少啦~~~

燒腩仔（學習中）

還記得第一次師傅（古箏老師）的邀約，由師傅太親自主理的《私房菜》；其中一道自家製燒腩肉……簡直不相信〝家用焗爐〞都整得咁好食!!!

隨後，依師傅太的食譜照做

直至最近看到吳太努力鑽研燒腩肉~~~ 當中有高人(周師傅)指導下……


愈見愈成功

更發覺以前自己所製作的燒腩仔有很多不足的地方，
更加希望做到及改良至皮脆、肉嫩、多汁的效果...……於是引得我也〝跟〞
 

第一次齊料！冇時間做，電話遙控叫姐姐做！！（唉!!冇眼睇啦!   起皮炒餸吧!）
再試!!星期天再買料再做
（哈哈哈! 今次買咗件老豬腩 ><）
 

原來用竹簽係好重要的一環!!  還有豬皮面不需鋪滿鹽~~~

可惜焗的過程中，見到腩肉變晒型!!!彎彎的!!原因係??肉太厚??出水時間末夠??

下星期會再試驗!!!哈哈哈!一定要買嫩豬~~~~

情迷朱古力棒棒

情迷朱古力棒棒~~~都是3D貓貓帶來的後遺症
由於餘下很多很多餅碎……棄於垃圾桶實在浪費和可惜
自已只喜歡做蛋糕……食就可免則免啦!!!
於是四處找尋處置方法~~~
在家中書櫃中，找到朱古力棒棒食譜；
初四放工後，開工啦……
依書做，整碎蛋糕+牛油+糖→壓成球〉〉〉浸朱古力
第一次做真是雞手鴨腳~~~~也捉工人姐姐齊齊畫花呢!! 

哈哈哈!朋友知道我整，已經電話到：『嘩!咁既嘢你都整嚟食!!又甜、仲好似食緊件牛油落口；好好地的蛋糕壓成死實實……只有鬼仔先鍾意！！』
唉!!還照足書每球30g~~~（好鬼死大隻呀!!）好在攞返公司，不需數分鐘〝清晒〞

我的朋友好好人呀!還建議其他方法叫我試試啦!!
我係好聽教、又勤力的蛋糕人！！一定會做~~~（哈哈哈!我係勇於嘗試、又有傻勁~就真！）

數天後，又開工啦………
今次冇書跟份量是隨心意落，跟朋友的建議整：
整碎蛋糕+忌廉芝士+忌廉+脆片→混合壓成球〉〉〉浸朱古力
味道唔錯、重量改為20g一球~~~
今次Maymay、Alison和鄰居做我的白老鼠呢!!


吸收各方友好的意見，又係需作出改良~~
整碎蛋糕+忌廉芝士+忌廉+朱古力脆脆/果仁/橘子乾→混合壓成球〉〉〉浸朱古力
還有今次外型上又再作新嘗試

要嘗試造形~~~
哈哈!攞晒D模出來……想想想!!!今天是『元宵節』心心模是最好的
另外又想整公仔，但Kitty模又太少；唯有用手搓形……

鳴鳴鳴!隻隻不同樣……但都很可愛!!!

我還會再做朱古力棒棒架……因為比姬的方法應該好好食！！嘻!照跟+又有得玩!!但希望會成功，因為朱古力調溫實在不易!!