網頁

2011年12月28日 星期三

鈎〝狗狗〞

鈎頸巾、鈎衫、鈎袋都是初中至拍拖時候的玩意~~~
從結婚後到有孩子也再沒有接觸〝它〞

直至看到《Mabel草》一雙巧手製作的公仔後,便好有衝動為囡囡畢業禮加一小點心意~~
原本預算鈎2尺高的畢業公仔
唉!!才發覺有好多細節位不靚,所以暫且要放下去思考解決方法!!!

哈哈哈!!
不鈎公仔………還可以鈎狗仔呢!!!
早前同事借了一本日文書教鈎狗狗,好可愛.....
一於死跟  )))))))))))))


一隻隻吊係處晒燈光~~~
再一隻隻排排坐(可惜有兩隻送了給朋不!!)~~~

再手痕痕鈎多了2隻不似Kitty的貓貓~~~
總結,差不多2星期內共鈎了9隻不同型態的狗;2隻超肉酸貓
.
.
.
.
後遺症是手關節炎、頸部過勞……
手痛和冇力;要看鉄打……
唉!!
今回真的要休息休息??

2011年12月13日 星期二

特別為〝妳〞做的口金

從網上發現很多人愛做口金包包
我一直不敢沾手~~~原因是自己的壞性格一做便會停不了手
所以我只看而不會動手……

但因為mommy dearest一句〝你懂不懂作口金包包………〞
~~好奇怪與mommy很投緣
(第一次聚會是厚着面皮問我想加聚會)
好好好呢!!我為妳而作的第一金呢!!   ~~請笑納~~


我相信以我過往做衣服的經驗,這口金包包應該不會太難的~~~
就這樣便開始作第一隻包包呢!
深水涉是必要到的地方……
布、口金、粗線、补、鍊、扣
………(發覺有些物品街邊檔仲貴!!)特別喜這絲絨布……很靚!

第一、二隻送給mommy dearest & auntie

第三隻送給maymay(未安裝閃石前的樣貌!)

第四隻送給Babe Dearest  (真估不到她會喜歡!)
第五隻留比自已~~~還有二隻送比誰呢??
不唸太多呢!!要加油做口金
唉!! 上癮啦!!!!!!!!!!!點算

2011年12月8日 星期四

聖誕小攪作(附薑餅譜)

10月開始便很忙很忙……

很多東西想做、很多飯局、很多聚會、很多公事………
又展開很多手作及製作,例如:做布袋、做口金、鈎公仔、鈎狗仔、織頸巾、做生果曲奇、做公仔曲奇、唧動物蛋糕等等

!! 做得太多太多!後遺症是……坐得多腳又痛、肥得好勁、手發炎啦!!
但仲末知死……哈哈!睇住跌打仲繼續開工
今個聖誕放棄做糖膏公仔啦!!icing要玩……
仲有要玩埋聖誕鐘(因為見到yycake的聖誕鐘實在太迷人)

薑餅一定不可少呢!
食譜依舊(不太甜亦不太硬)是我最鍾意的……


薑餅人食譜
材料及做法:
1)牛油 100g /黃糖 80g  3次打勻
2)
 1g + 蜂蜜 20g +  2 混入(1)
3)低筋麵粉 250g + 梳打粉 半茶匙 + 肉桂粉及豆蔻粉 1茶匙 + 薑粉 2茶匙 過篩加入(1、2) 用切拌法拌勻後用手略搓;麵糰壓平約5mm厚,放雪櫃雪半小時,取出印模,入爐焗20分鐘即成~~~
 
***今年不用薑粉改用新鲜薑磨汁(夠香又夠辣~~注意:我用了2.5湯匙薑汁,相對增加了約5~8g低粉)

***更正:打錯嘢!!!蜂蜜係20g~~~~打錯了40g!!!





預備了很多不同顏色的icing 
製作了很多不同款式的薑餅
完成一隻(A貨)立體聖誕鐘...............

2011年11月24日 星期四

球體蛋糕(七)

要盡用我的球體模呢!
當然要有動力才會發揮小宇宙啦~~~
今回主角是貓貓,
送給一位〝貓痴〞她視貓如自己囡囡……為了她
特別參考〝積積〞的樣子、花紋去做這蛋糕!
不過,她們不忍心切……〝積積〞都好像不開心!!
 
 
嘩!不要小睇小它,原來都有2磅重~~~~
================================================
每次都會集齊兩隻cake才寫blog,今次也不例外
想不到甚麼主題!
但這蛋糕是特別做給自已的,更會和親友分享
 
 
聖誕老人芒果菠蘿蛋糕(可惜芒果末熟……太酸呢!)
因為太疲倦了,不想再焗帽子圍邊!!
所以它的層次感不足;但臉珠和鼻子很可愛!!嘻~~~還有鼻孔

 

2011年10月24日 星期一

球體蛋糕(六)

因為好想、好想學好唧花的技巧……
唯一的方法是多多練習!!
先後做了牛、狗
接着做鼠、豬


讓我解構這隻粉紅豬吧!……


 
眼睛是靈魂之窗一點也沒錯,改一改即刻有不同的感覺!!

2011年10月19日 星期三

球體蛋糕模(五)

還記得第一次和Lucy家姐的約會(好深刻+好攪笑呀!!)
在荃灣的烘培店用HK$69.00買了一盒球體蛋糕模,真係又平又好用呢!~~~

早前大爺想給租客來一個驚喜,叫我做隻簡簡單單的蛋糕給〝大男生〞
我當然樂意啦!!
我完全沒有任何意念下,想起球體模……好掛住它!!
又係夜麻麻、冇〝皇〞管12點先至開工
焗好蛋糕底……
找、找、找,有4隻芒果(好香)…「芒果鮮忌廉蛋糕」啦!
但又不想做隻平平無奇及圓型的蛋糕……左思又想
〝叮〞他1985年出生……屬牛
哈哈哈!
黑白乳牛蛋糕愈做愈夜、愈玩愈顛、有點兒撐不住了………
3點半完工呢!!可以安安樂上床睡覺了
噢!!牛牛實在太可愛啦~~~~~


做做做……好似上癮呢!
記得同事19–10–2011生日,他常常車我返家……
我都要比小小謝意和驚喜給他的
哈哈哈!像狗又像熊蛋糕
唉!!都係懶冇起草圖~~~~
 

咦!!!我唸我真係上了癮呢!
我計劃要做一係列的『動物球體蛋糕』,今晚已經即刻繪畫了10隻動物草圖
牛→狗→貓→兔(這隻將會和Lucy家姐分享……還有是毛毛和妹妺呢!!)

2011年10月17日 星期一

辛苦死啦!

都唔知點解要再續塊田………(唉!得自已一個人玩!!!)
上星期,聽個冇料到的管理花王的同事講,要清理D雜草…要用黑膠布蓋實幅田,照做………
一星期後,移走膠布噢噢噢噢噢噢噢噢噢!
好多〝馬陸〞= 千足蟲,捉咗超過50條;原來剪開兩段都識行
好得人驚呀!上網找找看究竟是甚麽!!!(唉!基本料、冇用)
唉!唯有硬着頭皮準備來一個解決
今天自已一個7點起床,8點去農地………

帶齊開工物品………包括櫈仔一張


鬆泥、坐低慢慢看,仲有冇馬陸踪影………
(留心以下圖片可能引至不安)






還有一些活動能力高的蟲,冇法影相表示………

快手快腳地還原舊,只可惜太熱………急急腳走了!
否則,中暑都冇人知…………
餘下的手尾,希望明早能繼續

2011年10月14日 星期五

動物曲奇"到"萬勝節曲奇

這幾天日日放工的節目就是做曲奇
很悠閒的做……一邊看電視、一面閒談升學及新聞
暫且將私務 / 公務一切煩惱放下
好好享受吓家庭+煮食樂趣!!

已做了很多款(切片)曲奇:包括杏仁片曲奇、朱古力曲奇、綠茶曲奇、芝蔴曲奇、紅莓曲奇、合桃曲奇、竹炭曲奇、咖啡曲奇等 ,過兩天便一次過焗晒,然後送給朋友呢!還要用Lucy家姐的靚靚罐裝飾呀~~~(遲些再放相).
 
還有,這幾天要不斷硏究適合仔仔口味的曲奇~~~哈哈!是不太鬆、不太硬、有口感、不單調……
仔仔肯建議、肯嘗試已令我開心呢!因為咀尖的他肯食即代表我的曲奇好食及又進步了! (以前他只是看和聞便說〝唔好吃〞真是傷透心)
而且還要我教呢!
這些都是近期的曲奇

萬勝節曲奇

萬勝節曲奇(黑白)
叮噹曲奇(哈!!BB版)
//狗 (你地估啦!)


2011年10月8日 星期六

嘩!咁様………

再續………
簽約後,正式續租日4–10–2010(星期一)
落田一睇………
眼都定晒
圍欄冇咗!野草冇晒!…………
嘩!!EMO同事幫手清理場地!辛辛苦苦同其他地主換地,只是想保留靚靚圍欄………冇啦!!!
還好在垃圾草堆中發現〝圍欄〞踪影!我這個垃圾婆出動啦!
摷、摷、摷、摷、挖、挖、挖、挖…………
齊晒!!

唉!翻土後再用黑膠袋覆蓋……希望野草消滅吧!

好啦!星期天開工種植………
今次會種Fian的韓白玉蘿白………