微酸的鳳梨卷 (附食譜)

其實對做鳳梨酥/鳳梨巻興趣不大
皆因工序多，價錢貴、產量少不合化算!

但早前朋友炒好了菠蘿餡，分別給我Maymay品嘗………
就係咁!
我第二天買了3隻小菠蘿+1隻大菠蘿+1隻魚翅瓜準備炒啦~~~~
嘩!原來唧菠蘿卷的小模具好貴架!!!（耍HK$32元，當然唔捨得買啦!!）
最後決定用近似的唧呾，效果也差不多 （哈哈哈!要付出手力呀）
以下的食譜經過3次的改良，可以做到50粒；總算不俗~~~

鳳梨餡做法 (360g)
材料：
新鮮鳳梨(大)      2隻

糖漿          20g（按個人口味加/減）

魚翅瓜適量 （eg：鳳梨100g、魚翅瓜50g）

做法：
鳳梨去皮、去中間部份、切片...以叉子壓至一絲絲...備用...

魚翅瓜去皮切成一片片...備用...白鑊煮鳳梨絲及魚翅瓜至收水...(~1小時)加入糖漿再炒至乾身及起膠狀(要不停手炒拌，以免底部燒焦)...放涼後放進雪櫃約半小時...

取出搓成小粒（約7g）

 

曲奇皮做法(247g)

材料：
牛油 （金桶）      80g       糖霜         22g 

低筋麵粉        95g    粟粉      20g

奶粉         5g    吉士粉     10g  

雞蛋 (半隻)  20g

做法：
牛油室溫放軟拌入糖霜混合...加入低筋麵粉、粟粉、奶粉、吉士粉、雞蛋搓勻...用保鮮紙包好粉團...放入雪櫃 1 小時備用(讓麵糰鬆弛下)..
鳳梨餡搓成粒狀備用...

將麵團唧成條狀後，卷入鳳梨餡封口...

預熱焗爐...以160 度焗~25

 

***用這款唧咀，一定不可放太多曲奇麵糰，否則很難唧

 

又再馬卡龍……（失敗!）

無嘢做……手痕、心痕、心思思想整嘢!
馬卡龍、一於又馬卡龍
哈哈!今次攪攪新意思=手多多

畫畫笑臉……

吓!點解咁??明明升得高高!但110℃就〝謝〞晒???

到最後只有12片可取，加入檸檬醬；再吃一隻，留低5隻影相，其它的要硏究+硏究點解呢?‥‥…唉!又失敗!

情迷馬卡龍

馬卡龍它的顏色、餡料千變萬化，深深被它的魅力迷住了……
但要和它磨合而產生火花真的很困難啊!!
唉!一次又一次的不成功；一次又一以的再努力……為的是要攻陷、破解它
第一次做出的馬卡龍，〝花塔餅〞極醜的樣子

第二次扁扁的馬卡龍，但有着裙子……

第三次失敗的馬卡龍，那有心情拍照
第四次Fian老師出馬示範，好高好靚………(粉綠和粉紅色)

第五次實習的馬卡龍，成為變奏版……

第六次Fian+Maymay老師出馬教授，學習了兩種不同手法……

我心滿意足了，多謝你倆位~~~~

3D果汁軟糖

昨晚收到Blogger電話叫快D遊吓Blog啦!！！
即去，四圍巡之後………比JoeJoe的果汁軟糖吸引咗
好想整，但屋企冇果汁、冇汽水；只有芒果茸
點算呢?愈睇愈想整………
決定用芒果茸，真係快、靚、正……30mins有得食

好香芒果味！！夜麻麻食甜品好易肥……所以只可以吃一粒！
今天帶返公司很快、很快清倉了
放工，立刻到PK買果汁、提子汁再整果汁軟糖

橙汁味、提子味的12生肖軟糖~~~
有得比較之下，發覺用芒果茸做的糖似布甸多些!
最好味→→→還是用果汁做夠〝趙〞口

最特別是做了這個3D熊仔糖……哈哈!今回會否玩上癮呢???

鮮椰汁糕

雖然是停糕………
昨天買了新鮮椰子搾成椰漿、椰絲、還有椰水（還很貴呢!）
幾倦也要GOOOOOOOO糕，新鮮呀!

加些朱古力裝飾~~~

很美味，加入淡忌廉特別滑、鮮椰汁特別香 = 特別香滑

唉!唉!有煲變冇煲…………好想蒸糕呀!!!!

再做冰皮

答應了Fian整冰皮月餅給你吃，我記得架！………
哈哈哈！第一批唔理想，第二批要好好反思啦！用心去做好D比你試（補祝你生日快樂!)
哈哈哈!又答應了你比個連環步驟，去相
‧
‧
‧

齊備材料，原來用棒壓平…可以很薄

榴蓮餡包個斗斗………

再放入鮮榴蓮肉（曾試過成粒狀……好難包的）

封囗（哈哈哈！有小小包唔晒……）

再包冰皮……

壓模……完工，依然係兩款味……黃色=芒果，白色=榴蓮

直切面看看！嘩!芒果好靚，榴蓮好味！！……
原來即食冇咁好食架，要雪1天才更美味
（Fian、MayMay收唔收貨?夠唔夠詳盡?）

芒果冰皮+榴蓮冰皮（附餡譜）

快中秋節啦!
唸起舊年所整的冰皮就嘔心！（冰皮預伴粉太甜、現成饀料難食!）
今年早早整冰皮月餅給囡囡試試先
（雖然她不太鍾意吃甜品!!    哈哈……讓我有動力去試整啦……）
很想整芒果餡、榴蓮餡，一於四圍摷、四圍尋、睇吓有冇得偷或級………睇晒都係得如月Blog有冰皮餡，但係得綠豆、南瓜、蕃薯和粟子……（很失望呀!）
昨天已預早一天跟吳太的譜譜準備了冰皮先（不太甜又滑的冰皮）
難得今天很清閒……昨天已早早預備了冰皮（跟吳太的冰皮不太甜又滑的冰皮）下午去街市買了2大隻金枕、9隻芒果，開工煮餡啦！
係完全冇譜下，很隨意加料去煮煮煮煮餡………
第一樣是餡料靈魂：綠豆茸

再隨意加入很多很多的芒果茸煮成的芒果餡（味道似蕃薯多D)

更隨意加入很多很的榴蓮茸煮成的榴蓮餡（味道似榴蓮膏)

樣子也算合格，但冰皮就愈整愈厚！下次要嘗試壓皮希望會薄一些

來看看冰皮月餅的直切面吧！（係咪好厚呢!）
有榴蓮肉的榴蓮冰皮………看不出的芒果流心芒果餡冰皮

共做了22隻（哈哈哈！很快的有4隻落肚了）還餘下不少綠豆茸………
可以再做綠茶味！草莓味!菠蘿味!………

補榴蓮餡料譜譜：
材料：榴蓮肉  350g
            綠豆茸   75g
            鮮奶     130g
            菜油 20g
            澄麵 30g
            糖       （視乎果肉甜度）
做法：榴蓮去核取肉，壓成茸
            混合所有材料（先將澄麵用奶攪勻至冇粉粒）成糊狀
            菜油入鑊（易潔鑊最好)，加入榴蓮糊慢火炒
            約炒30分鐘，待涼（最上圖的榴蓮餡仍需繼續炒，最下圖的餡是完成）
備注：這份量的榴蓮餡約重350g，大約可做15隻冰皮
            太乾→再加果肉或奶再炒（緊記慢火炒至乾身）
            太稀→可加澄麵水混合再炒
             （哈哈哈！昨天又再炒啦!準備第三轉………）

糖膏公仔

2009年嘗試過用杏仁膏做聖誕老人和雪人………
2010年MayMay靚提起用糖膏做公仔………
噢！末試過用糖膏做公仔，哈哈哈！大家相約日子齊齊玩啦
原來一包350g的糖膏可以整好多隻公仔架！

MayMay你有冇開工整？明天再繼續否則很快乾

杏仁餅乾

曲奇好吃、但太多牛油、不健康、小吃多滋味
答應同事整一樣冇牛油的餅食
在網上尋找又尋找………
找到一款〝杏仁餅乾〞
嘗試吧！依照譜譜的份量根本不能將250g的糖和粉用一隻蛋混合！唯有自行加蛋搓勻！！！

唉！出來效果也可接受、但口感就不太理想…………
（今晚高人提點：……蛋多無咁脆+顏色會深少少，還有甜咗D！）
看來要再試試，改良改良……找出適合自己的口味的冇牛油餅餅