網頁

2010年1月31日 星期日

我的南瓜糕

今期〝飲食XX〞的珠璣小館介紹南瓜糕………
好適合煮給媽媽品嘗(尤其適合患糖尿病煮食用)………
(可憐的她還住在醫院,每次探望也像小孩子的說要跟我走!煮一個她愛吃的東西引吓我的寶貝媽媽先
我這個懶人將江女士的譜譜簡化了很多步驟………

效果同味道也不錯
原來,南瓜糕實在不難整………
媽媽一定會喜歡吃(因為她愛吃南瓜,又好有營養;但我就

材料:
南瓜(中國貨、去皮淨肉)                         700g
生曬蝦乾  (小半碗或隨意)                      適量
粘米粉                                                   230g
澄麵粉                                                   60g
蔥                                                          3 棵
蘑茹粉(或雞粉)                                1湯匙
水                                                          3 杯
製作過程:
1)蝦乾洗淨、加半杯水浸軟、切碎備用
2)蔥洗浄、切碎備用
3)南瓜去皮及籽、切粒備用
4)取鑊開火落油、炒蝦乾碎(灒少許酒)、落蔥碎炒、加南瓜片炒勻
    然後落3杯水及蘑茹粉同煮成蓉(不可煮至乾水、軟身後可壓成蓉)
5)將粘米粉及澄麵混合,分3次篩入瓜蓉內拌勻
6)倒入已掃油糕盆內,放入鑊約蒸1小時(糕約高13/4")
*參照江獻珠女士的南瓜糕,但份量與做法也因個人喜好及習慣作出改變

2010年1月29日 星期五

菜心變白蘿蔔

好混亂、攪不清蘿蔔 / 菜心 …………菜心 / 蘿蔔
上星期,收割了差不多斤半的菜心 / 芥蘭,但發覺印印留起大半斤放在雪櫃唔煮
問點解???她話好老…………
問大爺,大爺話好老、唔多似菜心怪怪地

未收割前的照片
………點知,昨天淋水的時侯見到

同一棵疑似菜心的根部………
竟然有D咁嘢!差不多有3隻手指合埋咁大????
唔明???有冇人知係勿東東

2010年1月28日 星期四

新嘗試–太空館

在網上找到做海綿蛋糕的〝抱抱〞,試吓係咪滑D先
和平常慣用的材料有分別,加入了粟粉………
程序亦有不同,打完蛋漿再加粉漿…………
唉!已經出事啦!

冇落發粉都發得咁高

重好可愛呀!不過焗咗成個鐘啦!
………………………(唔夠 2 分鐘!!!開始下墜呀!切開睇)…………………

哈哈!都好型………好似太空館內裏真空

超抵玩

今日放工去學"心太軟〞+〝麵包布甸〞
好易整,預備所有材料………倒、攪………
跟住師傅拿去焗
全程2個半小時,合共HK$40………
包括食譜、材料、禮盒及4件製成品………(好抵呀!)

帶返家…………
仔仔竟然肯食,重話OK……
依家先知〝心太軟〞都唔難食!但〝麵包布甸〞就興趣不大啦!
哈哈!之後同朋友去吹水………(還八咗好多秘密添!!)

2010年1月26日 星期二

白蘿蔔變菜心

還記得早前不惜得殺蘿白幼苗………
將一根根幼苗移植到另一位置………

漸漸發覺愈來愈唔對勁,菜冇刺、型狀不同、快開花……
等、等、等、等………或許遲D唔同呢!………
‧‧‧‧‧‧‧
但今天下定決心不等了,因為…………

黃色的小花……………>肯定是菜心
但淺紫的小花………………>哈!是?菜囉!!!
??白蘿蔔變菜心呀
咁食住菜心先………最後限期先收紅、白蘿白啦。

2010年1月20日 星期三

我的櫻桃蘿白–收割啦!

甚麼是櫻桃蘿白??(拿着種子,完全無法想像是甚麼東東!)
好啦!重溫牠的生長情況…………


19-1-2010開始作出部份收割
哈哈!原來櫻桃蘿白都有咁多色彩(白色是迷理蘿白!).
其實還有很多蘿白在田裏,但發覺有些根部非常細小………看看下星期可否全部收割!

2010年1月18日 星期一

仔仔的牛扒

仔仔帶回來的 2吋厚厚肉眼扒和2盒西冷扒,一直放在冰箱……
又不敢比印印煮,(上次煮牛扒血淋淋的上碟比我地食…怕怕啦!)

上面個塊係2吋的肉眼扒;下面係差不多有吋半厚的西冷扒

對住依塊扒……真係好有壓力!煮得唔好點算US$16.50一塊)
唉!買咗都要煮!!
我用少許〝喜馬拉雅山岩塩〞灑面,加香草粉及蒜粉醃約30mins
落牛油起鑊,底面用大火各煎 1 min (鎖住牛扒肉汁)……
然後轉細火加蓋慢煮~3mins………

好香呀!第一次煮咁厚的牛扒係…成功的
(紅色的是自家種的櫻桃蘿白,生食好好味呀!)

2010年1月17日 星期日

蘿蔔糕

嘩!
收到風Huey媽媽知〝地部〞買好味的臘腸+潤腸(我的no.1)……第一時間落單,嘻嘻嘻!!
Thanks!Huey媽媽
蘿蔔糕

今天開工啦!可惜自家種的白蘿蔔太細……唯有去街市買! 材料:蘿蔔3斤、粘米粉225g 、澄麵25g粟粉25g
臘腸3條、瑤柱5蝦米適量、蔥少量
做法:1. 蘿蔔絲,加油與蘿蔔水同煮,邊煮邊以鑊鏟不時翻動,蘿蔔煮至通透
2. 瑤柱浸撕成絲、蝦米浸軟切粒,臘腸;炒熟,盛起待用
3.
粘米粉、澄麵用蘿蔔水混和成槳狀
4.
混人煮透之蘿蔔絲中,不時快手以鏟兜勻,並加入炒熟的餡料;
再倒入已塗油之糕盆內,隔水猛火蒸40分鐘後加上芝麻、蔥點綴

2010年1月9日 星期六

生炒糯米飯

很懷念爸爸的〝生炒糯米飯〞………
以前在最冷的時候,爸爸就會預早浸糯米來炮製他的拿手菜式!!
隨着年紀老邁,他已不再開爐煮食;我亦無法像以前般在廚房看着他大展身手!!!
今天冷冷的日子,呆在家中很想煮給爸爸吃………下午立刻到街市買生晒大蝦米……浸3杯糯米、臘腸和蔥切粒、雞蛋切絲、即食瑤柱絲半樽(其實所有材料都是隨個人喜好增減!)

烹調方法:
  1. 中火,加油燒熱,加糯米,略炒。
  2. 灑少許上湯/水,略炒,蓋鑊。
  3. 3分鐘後,揭蓋,略炒,再灑上湯,略炒,再蓋鑊。
  4. 重覆此步驟,至糯米軟熟 ,落鼓油略炒。
  5. 將已炒熟的臘腸/潤腸、蔥等配料倒入,炒勻。
  6. 起鑊,洒上蛋絲即成(再加炒香的花生更好味!)

(若果怕很難炒得熟,可以先將糯米用蒸籠隔水蒸至緊熟,後落鑊炒也可)
雖然爸爸不可以食太多,但他是明白我的心意………(可惜媽媽不能吃,因為她在醫院!)

2010年1月6日 星期三

仔仔的………

2010年1月3日到機場接仔仔回家
13天的聖誕及新年假期完結了,還趕及返學!

當日出發前1喼1袋………(有1袋是囡囡的物品)
回來時也是1喼1袋………(好重!多了食物和衣服

這裏是食品……(偷運了3大包牛扒,最利害是那1塊2〞厚的牛扒……唔識煮點算……重好貴添!)

上次積媽話火腿肶好抵、好好味!哈哈哈……即刻order…………
(10幾磅………好似大約US$15.00………抵抵抵抵抵)

嘩!遲來的生日禮物(多謝囡囡送給我的COACH包包)
………………………………………………………………………
好多人問我點解放心仔仔自已獨自坐飛機去美國玩!
其實唔擔心就假的……
但每一種新嘗試、挑戰對孩子成長都有很大幫助,14歲不大也不少了…………(很開心仔仔懂得在整個旅程中很〝交帶〞………