畢業+生日蛋糕(上集）

死黨為要慶祝女女18歲生日……
特別預備驚喜生日Party啦!
我當然要盡心盡力幫手準備啦!
早在個多月前已開始準備做一隻獨一無異的糖膏公仔
唉!
原來潮濕天氣做糖膏製品真是有極大的困難……
〝抽濕〞是極極極極極重要的一環

這是蛋糕的頂部裝飾……
胆粗粗……新嘗試，憑直覺的唸法去做這通透球體!!
嘻嘻嘻!成功左…………

之後問些經驗人仕才知他們是吹脹氣球整的!
但我仍然覺得我的做法不錯，只是技巧末夠熟練吧!
這把頭髮倒考起我!
找來很牙簽一條條卷起……一條條插入（又係糊亂唸、糊亂做！！）
哈哈!小小的鞋子，好可愛……

依家看見她坐得很穩陣呀!
其實早前因身軀不乾透曾倒下多次了，再翻修……
組合後………
再來個360度睇睇呢！！……
超滿足!
這只是頂層係唔食得；原因係我要做給她帶回美國留念的
還有2層朱古力蛋糕，要遲些再post出遲……

新嘗試〝結婚蛋糕〞（二）

用了數星期時間等待〝結婚公仔〞乾透是十分艱難的
日子相當緊迫，還好Party在星期日晚上，所以有星期六及日兩天工作
由於是初嘗試，完全冇傳統的框框規限……
所以今次的蛋糕用〝海綿蛋糕〞做法！！
目的是希望冇咁甜、健康D、好食D……
但都有一定的危險係蛋糕太重容易下陷!!
最後我決定博一博
其實這蛋糕中間藏了個小〝秘密〞呢!要令新人切開後有個〝驚喜〞架!!
估到是甚麼嗎?
……糖皮包面會令蛋糕靚D……但絕對好睇不好食!!!

 

……加上裝飾後!自己也坐下來欣賞一番………

 

嘩!!!嘩!我的笫一次………
落着大雨由新界運送到筲基灣叻叻呀!安全地安置在會場；
蛋糕差不多18〞高………

還記得小〝秘密〞嗎?
大家一邊吃一邊欣賞……（開心+開心呀!）
哈哈哈!嘉賓中有位做餅師傅也讚好吃!!
哈哈!!收晒、收晒……我仍會更加再努力做蛋糕

新嘗試〝結婚蛋糕〞(一)

2013年開始很少post我的蛋糕!
原因係很失落，始終覺得做起蛋糕來不能得心應手!
很灰呀!!
雖然係咁，我都冇懶………依家開始努力鑽研新野和進修呢!

今年3月尾朋友仔結婚，好想做隻結婚蛋糕送給他呢~~~
但又怕〝衰〞左送唔到比人!
唯有練習下和玩神秘，希望能給他一個驚喜比他!

首先係做一對糖膏公仔
嘩!嘩!嘩!嘩!嘩!嘩!原來潮濕天氣做糖膏簡直係想死……
好難乾、好易軟、好易走樣…
所有大大、小小抽濕器、抽濕包、防潮箱………通通要出動

近照：一對係畢業功課、一對是送給新人

全身照……左：笫一次做7"高， 右：第二次做5"高

360度觀賞先..........

場地冷氣不夠!!!
一小時後，頭髮開始濕濕地………（哈哈哈!落雨??）
即刻收入盒

情迷朱古力棒棒

情迷朱古力棒棒~~~都是3D貓貓帶來的後遺症
由於餘下很多很多餅碎……棄於垃圾桶實在浪費和可惜
自已只喜歡做蛋糕……食就可免則免啦!!!
於是四處找尋處置方法~~~
在家中書櫃中，找到朱古力棒棒食譜；
初四放工後，開工啦……
依書做，整碎蛋糕+牛油+糖→壓成球〉〉〉浸朱古力
第一次做真是雞手鴨腳~~~~也捉工人姐姐齊齊畫花呢!! 

哈哈哈!朋友知道我整，已經電話到：『嘩!咁既嘢你都整嚟食!!又甜、仲好似食緊件牛油落口；好好地的蛋糕壓成死實實……只有鬼仔先鍾意！！』
唉!!還照足書每球30g~~~（好鬼死大隻呀!!）好在攞返公司，不需數分鐘〝清晒〞

我的朋友好好人呀!還建議其他方法叫我試試啦!!
我係好聽教、又勤力的蛋糕人！！一定會做~~~（哈哈哈!我係勇於嘗試、又有傻勁~就真！）

數天後，又開工啦………
今次冇書跟份量是隨心意落，跟朋友的建議整：
整碎蛋糕+忌廉芝士+忌廉+脆片→混合壓成球〉〉〉浸朱古力
味道唔錯、重量改為20g一球~~~
今次Maymay、Alison和鄰居做我的白老鼠呢!!


吸收各方友好的意見，又係需作出改良~~
整碎蛋糕+忌廉芝士+忌廉+朱古力脆脆/果仁/橘子乾→混合壓成球〉〉〉浸朱古力
還有今次外型上又再作新嘗試

要嘗試造形~~~
哈哈!攞晒D模出來……想想想!!!今天是『元宵節』心心模是最好的
另外又想整公仔，但Kitty模又太少；唯有用手搓形……

鳴鳴鳴!隻隻不同樣……但都很可愛!!!

我還會再做朱古力棒棒架……因為比姬的方法應該好好食！！嘻!照跟+又有得玩!!但希望會成功，因為朱古力調溫實在不易!!

彩繪蛋卷（2）

做了兩種不同份量的蛋巻………
分別給仔仔品評，希望做出一種適合自己口味的蛋卷！！
看來仔仔大個了，不是看一眼便算
他好認真去分析兩隻蛋卷的不同處、建議改良方法
今早7時起床打忌廉、切芒果………

好靚呀!自家製可以少忌廉……（好好好味!）
晚上改良食譜後再做

彩繪蛋卷（1）

買了〝新玩具〞當然手又癢、心又癢啦!無耐時間不夠用
等、等…………（唉!比冰皮跑贏了；做了8隻先!）
偷得下午半天時間立刻作測試~~
原因係朋友借了本別緻彩繪蛋卷書及早前在Prime's Blog中見過
好靚呀!!!
齊備所有材料及用具……開工呢
大機真係大機呀!!!!
5L的斗斗放入3隻蛋黃………開機
1度太慢→2度快咗D→3度快快快→4度？？？？？
點解〝3隻蛋〞仍然係〝3隻蛋〞？？
蛋黃仔好舒服呀!!!………〝原封不動〞
咁以後咪唔可以整少少份量
開心呀!要看看我的像〝手巾〞的卷蛋啦!（明天才加cream！！）

想整草莓圖案，但開得稀，入爐後………ooh no

嘻!咪理咁多啦……開朱古力及綠茶水，點點點、畫畫畫吧!

哈哈哈!還引到囡囡都要做埋一份（她話要送比人吃~~~）
原本真係好吸引的
多謝Prime你的蛋卷譜譜得呀

〝糖皮〞熊仔蛋糕

早前興致勃勃買了3KG的糖膏，想做很多很多的糖膏公仔………
點知放下了，自己也不知忙甚麼！一個也沒做過
恐怕再等便會乾了………
今天，不知吹甚麼風……竟然想用糖皮做隻熊仔！！
但又害怕麻煩所以………
哈哈哈!係A1買了兩隻清蛋糕
思前想後，9時半開工，一邊看電視一邊
畫圖樣、剪子樣、裁蛋糕、混糖皮色、搓搓貼貼包包………
（其實糖皮很甜，我做了些新嘗試減甜，明天便知會否出事！！）

這隻小熊仔星期一可以送比我的〝兄弟〞啦!!!