WongWong
網頁
首頁
2009年10月29日 星期四
我的大製作(完成了)
明天早上就要交貨啦!………
其實做曲奇餅的時間真的很快(比預期好),做了幾款不同的曲奇
燕麥曲奇是最健康…………
玻璃曲奇是小朋友至愛………
杏仁曲奇是我的最愛………
花花曲奇+波浪曲奇是最可愛………
共完成了250塊,這裏只是部份!
當整理後
兩個餅盒已差不多可以放置190塊,運送也十分方便
希望她們會喜歡………
2009年10月26日 星期一
惠州南昆山之旅
24-10-2009開心BBQ之後………
25-10-2009晨早6點急急出紅磡會合各方好友,展開2日1夜惠州南昆山溫泉渡假之旅
(唉!瞓未醒、頭又痛……)坐了差不多4小時車………腰都直晒!
人地食午飯我就去痾……
人地食晚飯我就去嘔……
人地浸溫泉我就去瞓……
第二日10點收拾行理離開南昆山到下一景點遊玩
司機唔識路,2點半先有飯食……
司機好黑仔撞埋車,賠埋錢……
整車人等、等、等……
不過發覺大陸D交通警察效律很高
3分鐘到現場處理案件
旅遊車受傷情況……
2009年10月21日 星期三
我的大製作
今天收到Daisy電話………
她很欣賞我的曲奇,邀請我幫忙製作約200塊曲奇餅,來作中心開幕慶典之食品
嘩!很難得呀………我一定會好比心機做架
(還有8天時間,為我的第一次加油…………)
2009年10月20日 星期二
新發現
嘩!
今天好開心收到Fian寄給我的種子,種類很多………
(可惜忘記帶相機影底,唯有明天放上Blog!)
不經不覺……
已經是翻土及播種後的第七天,之前都是在午飯時間灑水;由於其他人建議要早上淋水,所以今天早些返工………
有新發現
不知明植物出生
近距離觀看
好似是野草……但還是等大些少才知道是草還是〝菠菜苗〞
補上種子照片..........好多呀!
2009年10月19日 星期一
毛毛出街袋
在旺角有兩間出口店是我經常光顧的………
因為他們有不定時的驚喜比倒我
上次用了HK$20買了兩隻大大件的兔兔裝飾
今次又嚟啦………
可收縮的動物去街袋袋,好方便……左、右及頂部都有拉錬
〝毛毛〞以後出街可以四圍望,不需焗在行理袋出街
還有空位呀!………
估吓幾多錢
‧
‧
‧
…………
HK$30元
2009年10月18日 星期日
冇罪惡感之活動
開始踏秋時候,星期六九時半美食兵團又出發啦!
地點還是沙頭角谷埔村,原因是45分鐘行山 + 1.5小時海鮮美食 + 45分鐘行山,絕對是收支平行的運動(完全冇籍口唔去……)
全程都是十分平坦,而且沿海邊步行……
老闆就是在這碼頭出去收購新鮮海回來即煮
前行就是廚房………
鲜蝦、肉蟹、走地雞、皮蛋黃牙白湯、炒菜、海鮮魚肚湯、清蒸黃立倉、雪蓮牛腩、豬蒜骨
還有老闆奉送的花生和木瓜…………
2009年10月16日 星期五
我的流心芒果蛋糕(附食譜)
我答應了小雪會放食譜上網,但太懶了………
遲遲也沒有去理行,直至見到小雪的回應,不得了!不能再拖
昨天買了芒果,做了芒果茸及蛋糕;今天再倒慕絲……
(小雪快D收...希望有時間實習,今次Mousse整得好好味!)
後記:
今次芒果茸放多咗………流得好多,不過好在冇下墜
2009年10月15日 星期四
播種
13–12–2009早上,到游生的office取種子
原來菠菜種子是紅色的
午飯的時候已急不及待做翻土工作和播種;而且送上新鮮的血給蚊子做午餐………
(還是很期待Fian的種子,唔知係勿種類………)
14–10–2009
田園負責人來電,有人投訴你種咗人地塊地
嘩!人家心血少
唔好咁玩人啦!請查清楚先話人
我的朱古力蛋糕
話比人知實係話我24孝!!
仔仔話明天學校旅行,想食壽司、墨魚、朱古力蛋糕(嘩!點會唔整
)
長方型容易切件帶走……不過
下次整蛋糕都唔會落發粉…………
都係天然D好!
2009年10月13日 星期二
開耕前準備
從來未試過耕種,亦未曾想過會租地……
現在這行動主要源自仔仔想耕種,
我希望他能真的參與其中,平常旳他不運動、怕晒、不會做粗重嘢!!盼望透過植物生長過程中,看到由種子到結果,漸漸地去領會人生、處事各方面應有的態度,增加活動………
對我來講,真不知從那方面着手
但非常好,Fian比咗好多資訊及資源;游生及鄭生的技術指導
這些非常非常重要………多謝你們。
昨天下雨,可惜不能開耕,唯有寄望明天
我的奇幻曲奇
實在太喜歡cookie
食到唔停口,今過大件事啦!就快肥到出唔到門口
咖啡味 +原味曲奇………
2009年10月9日 星期五
我的耕種
早些時候見到〝綠色天地〞的通告,推出20塊 2m x 1m土地供人種植更順便作宣傳、推廣……
放工後,到達會場進行簽約租地及參與簡介會;完成後當然要去視察自己的地皮啦!
離欄最遠那幅地就是啦……很多雜草
最快星期一便可以收田開工啦!不過我估計我會星期日靜雞雞去除草
…………
其實都好擔心自已做唔做到……
第一 我是植物殺手,種任何嘢都死
第二 我最怕D毛毛蟲
第三 好困身,日日都要澆水
第四 仔仔都唔知會否欺騙我,得個睇唔幫手
…………………………………………………………
2009年10月8日 星期四
我的Momo––食藥記
餵毛毛食藥已經是第四天
牠一天比一天情況好多些
,而且一天比一天聰明………
(係唔想食的招數………藥在口中不吞、讓它流出來)
係咪好肥美呢
我的蛋糕
囡囡回來的兩個多月,原來整了很多次蛋糕和很多的曲奇餅
囡囡想食的芒果鮮忌廉
藍莓芝士蛋糕凍餅
朱古力慕斯蛋糕
超香甜的香蕉蛋糕
超做愈好的檸檬戚風蛋糕
燕麥果仁蛋糕
當然不可缺少的生日蛋糕,
(相信囡囡今年生日是食生日蛋糕最多的一年……)
還有一些是沒有影相留念的 >–<
較新的文章
較舊的文章
首頁
訂閱:
文章 (Atom)