燒腩仔（學習中）

還記得第一次師傅（古箏老師）的邀約，由師傅太親自主理的《私房菜》；其中一道自家製燒腩肉……簡直不相信〝家用焗爐〞都整得咁好食!!!

隨後，依師傅太的食譜照做

直至最近看到吳太努力鑽研燒腩肉~~~ 當中有高人(周師傅)指導下……


愈見愈成功

更發覺以前自己所製作的燒腩仔有很多不足的地方，
更加希望做到及改良至皮脆、肉嫩、多汁的效果...……於是引得我也〝跟〞
 

第一次齊料！冇時間做，電話遙控叫姐姐做！！（唉!!冇眼睇啦!   起皮炒餸吧!）
再試!!星期天再買料再做
（哈哈哈! 今次買咗件老豬腩 ><）
 

原來用竹簽係好重要的一環!!  還有豬皮面不需鋪滿鹽~~~

可惜焗的過程中，見到腩肉變晒型!!!彎彎的!!原因係??肉太厚??出水時間末夠??

下星期會再試驗!!!哈哈哈!一定要買嫩豬~~~~

情迷朱古力棒棒

情迷朱古力棒棒~~~都是3D貓貓帶來的後遺症
由於餘下很多很多餅碎……棄於垃圾桶實在浪費和可惜
自已只喜歡做蛋糕……食就可免則免啦!!!
於是四處找尋處置方法~~~
在家中書櫃中，找到朱古力棒棒食譜；
初四放工後，開工啦……
依書做，整碎蛋糕+牛油+糖→壓成球〉〉〉浸朱古力
第一次做真是雞手鴨腳~~~~也捉工人姐姐齊齊畫花呢!! 

哈哈哈!朋友知道我整，已經電話到：『嘩!咁既嘢你都整嚟食!!又甜、仲好似食緊件牛油落口；好好地的蛋糕壓成死實實……只有鬼仔先鍾意！！』
唉!!還照足書每球30g~~~（好鬼死大隻呀!!）好在攞返公司，不需數分鐘〝清晒〞

我的朋友好好人呀!還建議其他方法叫我試試啦!!
我係好聽教、又勤力的蛋糕人！！一定會做~~~（哈哈哈!我係勇於嘗試、又有傻勁~就真！）

數天後，又開工啦………
今次冇書跟份量是隨心意落，跟朋友的建議整：
整碎蛋糕+忌廉芝士+忌廉+脆片→混合壓成球〉〉〉浸朱古力
味道唔錯、重量改為20g一球~~~
今次Maymay、Alison和鄰居做我的白老鼠呢!!


吸收各方友好的意見，又係需作出改良~~
整碎蛋糕+忌廉芝士+忌廉+朱古力脆脆/果仁/橘子乾→混合壓成球〉〉〉浸朱古力
還有今次外型上又再作新嘗試

要嘗試造形~~~
哈哈!攞晒D模出來……想想想!!!今天是『元宵節』心心模是最好的
另外又想整公仔，但Kitty模又太少；唯有用手搓形……

鳴鳴鳴!隻隻不同樣……但都很可愛!!!

我還會再做朱古力棒棒架……因為比姬的方法應該好好食！！嘻!照跟+又有得玩!!但希望會成功，因為朱古力調溫實在不易!!

3D貓貓蛋糕

又一次自我挑戰，也是我從末試過的《3D立體蛋糕》早前朋友的朋友想找人年初三訂製蛋糕~~~
但新年期間，蛋糕達人忙於處理過年事宜!!婉拒了……
唉!!但她真的很想訂製一款特別的蛋糕送給〝好朋友〞
還問我還有其他人會做嗎?
最後……
我決定讓我接來試試吧!!
經了解後……嘩!!
她想要訂3D蛋糕、2~3磅~~~仲要是隻不簡單的貓………
尤其是那對眼睛！！好鬼異呢~~

 

既然係我的第一次!當然要好好記錄低~~~

1)做了2對眼睛，最後選取手繪的一款
2)焗了很多蛋糕，又圓又方…慌死唔夠
3)連蛋糕盒都要自製（由於貓貓size：8.5" 濶x 11"高）
4)恐防造型有錯失；預先用發泡膠cut出形狀作參考

5)切切切、批批批、整出了初型
6)哈哈!人家要用雜果餡……有話唔好食！！
7)嘻嘻!多芒、少cream的蛋糕努力中

8)恐防運送途中，頸部會移位；自製朱古力曲奇做支柱
9)蛋糕片、生果、忌廉一層一層的叠上去（好有起樓的感覺）

10)最難做是耳朵的位置，要用原件3"厚的蛋糕批出形狀（不容失手）
11)完成耳朵要用2支百力滋撐起，以防滑下
12)再批上薄薄的一層忌廉，然後開始唧花
13)好有壓力~~因為它很巨大，唧到手震呢!!!
14)還好可以在4:30pm完成！！
15)嘩嘩嘩!!結果貓貓連盒計，共有2.5kg重

但為了要令貓貓完美些；磅數真的不可太少………
所以……哈哈哈!賣大飽呢!!
見到她收貨時的喜悅；亦是代表我的成功~~~

新年糕點

蘿白糕是每年必做的過年食品……
2011年聖誕節己經做了四底蘿白糕~~~(是特別做給囡囡吃的!!)之後……
芋頭糕（特別鳴謝五味軒特別為我而將食譜公開及再做一次）
其實我是不愛吃芋頭的，但自從嘗過軒軒的芋頭糕~~~
立刻改觀了今年還做了一款特色〝四糕齊賀新年到〞~~~

還有要多謝Alison的自家晒臘肉（好靚呀）Maymay的塔門蝦乾~~~~

球體蛋糕（九）

我的球體蛋糕實在太好用啦!又平~~~HK$69有2件（好抵+好用）

大熱的Angry bird 係小朋友的最愛
好朋友冇時間整Angry bird蛋糕比他……咁!就由wongwong auntie出手啦!

但臨近新年比較忙着整蘿白糕、馬碲糕、芋頭糕、年糕等等………
加上他是年初一生日，唯有早一天（即舊曆年29）預備做蛋糕給他……

晨早7點起床速速開工!!
一邊炆冬茹、煮雞、煲湯~~~~另一邊整蛋糕
哈哈哈!廳及廚房全都是我佔用的地方
工人留守洗厠所、老公+仔仔留在書房……不可出廳及去廚房

因為時間有限！！預計12:00~13:00左右交給好友
所以只能做隻簡簡單單的憤怒鳥，希望他會喜歡

之前的憤怒烏……眉毛用朱古力膠做，感覺很理想
唯獨眼睛！！
始終唔靚…好肉酸!又思前想後唸……
點先令眼球白D、靚D????

最後都比我唸通了……白了很多!圓滑很多呢!!

球體蛋糕（八）

好耐冇玩我的〝超平球體模〞啦!!

答應了姐姐在她開生日會時，我會做一隻蛋糕來幫她慶祝!!
姐姐想要雞雞!（好似好難呢!!）

哈哈哈!
咁難唔做啦……就整雀仔啦!~~~~（唉!做到3點半先有得瞓!!）

發覺用威化餅係好錯的決定
早上打開已見威化圍欄四散~~~唉!包唔到呢!!!
原來這兩隻鳥、4棵小樹、一個小山台、及圍欄共有3磅半………
………………………………………………………………………………………………………………
大熱的憤怒烏，再來侵權再做一隻比Huey，補祝他生日，更為打打氣……

這是一隻迷理版（但都有750g)

初試〝結婚公仔〞

停不了、停不得!!
手部剛剛痊癒，又心癢癢啦!
事源囡囡有朋友仔來HK擺喜酒，苦惱送甚麼呢!!!
我建議除了賀禮外，加送一對結婚公仔啦~~~
其實我一直也想鈎一對結婚公仔，但動力不大！！！所以只想而沒有行動

不過由決定到行動不到2天
由行動到擺酒日子不到4天
24號買毛冷、買珠片、買裝飾品
25號偷雞去鈎（利用坐車時間鈎；因其餘時間要陪家人飲飲食食!!!）26號開始加時進行（去厠所、睇電視時間也利用了!）

完成部件……準備結合工程~~~

 

27號時間緊迫、下午開始全力開工………坐定定，邊處也不去

新娘的頭套完全隨心意去做!不知對與錯但求順眼（嘻!）
新郎的金色頭髮~~我覺得很滿意（嘻嘻!）
28號晨早進行包裝

看到一對製成品……很有滿足感和自信（我挑戰成功了!!）
哈哈哈哈!好笑呢!
新娘肥咗囉~~~~都係怪手多塞多咗棉花


唉!!找不到合適的禮盒………
唯有發揮小宇宙………
頸巾合+花紙+絲帶全部物品都是循環再用的~~~
剛剛趕及早上9點正讓囡囡帶走送給一對新人

鈎〝狗狗〞

鈎頸巾、鈎衫、鈎袋都是初中至拍拖時候的玩意~~~
從結婚後到有孩子也再沒有接觸〝它〞

直至看到《Mabel草》一雙巧手製作的公仔後，便好有衝動為囡囡畢業禮加一小點心意~~
原本預算鈎2尺高的畢業公仔
唉!!才發覺有好多細節位不靚，所以暫且要放下去思考解決方法!!!

哈哈哈!!
不鈎公仔………還可以鈎狗仔呢!!!
早前同事借了一本日文書教鈎狗狗，好可愛.....
一於死跟  )))))))))))))

一隻隻吊係處晒燈光~~~

再一隻隻排排坐（可惜有兩隻送了給朋不!!）~~~

再手痕痕鈎多了2隻不似Kitty的貓貓~~~
總結，差不多2星期內共鈎了9隻不同型態的狗；2隻超肉酸貓
.
.
.
.
後遺症是手關節炎、頸部過勞……
手痛和冇力；要看鉄打……
唉!!
今回真的要休息休息??

特別為〝妳〞做的口金

從網上發現很多人愛做口金包包
我一直不敢沾手~~~原因是自己的壞性格一做便會停不了手
所以我只看而不會動手……

但因為mommy dearest一句〝你懂不懂作口金包包………〞
~~好奇怪與mommy很投緣（第一次聚會是厚着面皮問我想加聚會）
好好好呢!!我為妳而作的第一金呢!!   ~~請笑納~~


我相信以我過往做衣服的經驗，這口金包包應該不會太難的~~~
就這樣便開始作第一隻包包呢!
深水涉是必要到的地方……
布、口金、粗線、补、鍊、扣………（發覺有些物品街邊檔仲貴!!）特別喜這絲絨布……很靚!

第一、二隻送給mommy dearest & auntie

第三隻送給maymay（未安裝閃石前的樣貌!）

第四隻送給Babe Dearest  (真估不到她會喜歡！）
第五隻留比自已~~~還有二隻送比誰呢??
不唸太多呢！！要加油做口金
唉!! 上癮啦!!!!!!!!!!!點算

聖誕小攪作（附薑餅譜）

從10月開始便很忙很忙……

很多東西想做、很多飯局、很多聚會、很多公事………

又展開很多手作及製作，例如：做布袋、做口金、鈎公仔、鈎狗仔、織頸巾、做生果曲奇、做公仔曲奇、唧動物蛋糕等等

唉!! 做得太多太多！後遺症是……坐得多腳又痛、肥得好勁、手發炎啦!!

但仲末知死……哈哈!睇住跌打仲繼續開工

今個聖誕放棄做糖膏公仔啦!!但icing要玩……
仲有要玩埋聖誕鐘（因為見到yycake的聖誕鐘實在太迷人）

薑餅一定不可少呢! 食譜依舊（不太甜亦不太硬）是我最鍾意的……

薑餅人食譜

材料及做法:

1)牛油 100g 及 黑/黃糖 80g  分3次打勻
2)鹽 1g + 蜂蜜 20g + 蛋黃 2隻 混入(1)

3)低筋麵粉 250g + 梳打粉 半茶匙 + 肉桂粉及豆蔻粉 各1茶匙 + 薑粉 2茶匙 過篩加入(1、2) 用切拌法拌勻後用手略搓；麵糰壓平約5mm厚，放雪櫃雪半小時，取出印模，入爐焗20分鐘即成~~~

 

***今年不用薑粉改用新鲜薑磨汁（夠香又夠辣~~注意：我用了2.5湯匙薑汁，相對增加了約5~8g低粉）

***更正：打錯嘢!!!蜂蜜係20g~~~~打錯了40g!!!

預備了很多不同顏色的icing 

製作了很多不同款式的薑餅

完成一隻(A貨)立體的聖誕鐘...............