有計劃的聚會

2010年7月24日（星期六)
今次唔玩即興啦!係有計劃的聚會(附加即興）!!!
話說2010年3月7日品嘗了Fian的Tiramisu後就愛上它（試整了一次但不太成功……有少少失落）唉!材料又貴不敢再試多次……
囡囡由舊年已經話想Fian教她整（US賣得好貴呢），可惜大家時間配合不到今年，等到啦!
Fian處理好煩忙私務後……可以開班特別地教囡囡（哈哈哈!我有做旁邊鶴吸收咗好多心得），唔知有冇教到嘔晒血呢??
我們的聚會點可以缺少Maymay呢（哈哈哈!原因係她幫我買咗YY新書，仲有限量版簽名書）她仲好利害呢!!!!病病地、睇醫生、食火煱、仲飲酒………〝勁〞
還有一對花友夫婦，臨時即call即到；仲要帶埋〝勁〞之配搭
我們的組合好完美呀!
因為我地常常掛在口邊的口號係『我地冇朋友架！』所以可以一call即到~~~達到即興最佳的效果
有目的〝興〞當然要預備食之物品啦!
『十下十下』是最佳的選擇，看看

表面上係咁多，其實仲收埋好多冇出場……原因係
『我地好細食架』

嘩!白酒配火煱（冇影相）甜酒配甜品……完美
Tiramisu、咖啡牛乳布甸、西瓜盅、南瓜布甸
說說笑笑、不知不覺差不多零晨12：15am散會………

芒果蛋糕

真大幪了……
答應了朋友在她生日會親自製作芒果蛋糕呢!!
雖然忘記了唯有急call一班好朋來家聚聚及補祝
最佳方法係〝十下十下〞讓我有時間特別為她製〝生日蛋糕〞啦！
早上，開工先發現只有2隻不同種的芒果
不過由於時間緊迫關係都要開始製作…………
下午，安頓媽媽後回家再繼續蛋糕的裝飾

眼看時鐘只得一個多小時，還要用小匙一粒一粒挖芒果肉相當花時間呢~~~
不過最開心是切開好有層次呢………又好好味！

哈哈哈哈!〝壽星女〞又驚喜+食得好鬼死開心！！………
昨天call我：「益你~~〝張達明楝篤笑〞飛要幾多張?」「8張」
哈哈哈哈哈哈…………我比驚喜你、你又比驚喜我!!!

久違的蛋糕

囡囡返HK之後，感覺上好似很忙………

加上自已感到很疲倦、總是覺得睡得不夠!!!所以早睡早起呢！……
10–7–2011仔仔的〝BB班〞同學仔+家長又聚會啦！
一年一次不定期的約會，今年有4位同學仔離開HK到UK繼續學業；（歎一句!為逃避HK的〝334〞新學制大逃亡）
現在只餘下2個同學仔（包括我的仔仔）留港繼讀努力面對新學制！！
難得的聚會，就是我動力的來源；整了馬卡龍、芒果糯米糍、生果曲奇、特濃朱古力蛋糕(特別鳴謝maymay及Fian多次的指導〝馬卡龍〞做法，讓我不會失禮人前。)
唉!!!!!當日我拿出馬卡龍小甜點時候，
那位高貴的同學仔媽媽先問材料成份之後說：「很難整架，出面賣的有很多口味，又唔太甜，自已冇辦法整到………」（哈哈哈!你末試又點知呢）
試後，幾個媽咪立刻攞紙攞筆要寫食譜，唯獨她沒有………!
到最後她都走來同我講馬卡龍的檸檬餡好特別和好好食!Yeah……她冇辨法唔讚啦!大大細細都欣賞唯獨她不出聲~~~（包括她的囡都不斷食、不斷讚）可惜冇影相……
我還製造了一個小驚喜比生日的同學仔
有內涵的〝心心特濃芝士蛋糕〞簡簡單單的裝飾也很好呀

希望明年的〝崇基BB同學會〞仍可繼續舉行

變身〝靈糧堂幼稚園〞同學仔

上星期第二堂的鈎公仔班，帶了兩隻完成品給〝草草〞看，因為頭髮部位〝唔靚〞所以一定要請教她；
下課後，我們還一路傾（不經不覺傾了差不多2小時）嘻!好有得著呢~~~~
經過〝草草〞過些心得後，我即時將變奏版〝畢業公仔〞拆去頭髮再植入更多黑色素呢！！
而且再來一個大大大變身………

除了黑裙→織了一件白裙+綠色背心+辮子………
抹上淡粧………
Katrina畢業啦! 9月升小學要加油~~~

生果曲奇

最近忙着做織女，我的蛋糕、餅餅全都放下了……
又加上囡囡返來了，就更加忙……
她的假期首項任務就是要我〝減肥〞
唉!5:30am叫我起身跑步（起身唔難要跑就）
…………………（好在依兩日落雨可以休息）
雖然飲食要節制，但見到Carol的奇異果曲奇實在太迷人
點忍得唔整~~~

好特別的曲奇；加上黑芝麻更神似呢！~~~好開我做到了！！

自創的〝西瓜曲奇〞可惜忘記看爐溫，濃了少少
下次我會記得睇爐，唔好浪費心機呢!

變奏畢業公仔

這是第二隻畢業公仔……
整吓、整吓
試吓變變身

裙和手是雙連的，還可以轉動……

期待星期五的第二課堂~~~~

畢業公仔

明年6月就是囡囡的大日子………想送一件獨一無異的禮物給她
想想想想想想想………
發現網友"bigheaMABWL@草" 的勾公仔很靚、很靚；於是考慮做一隻約2呎長的畢業公仔
哈哈哈!這計畫很遠大呀!對我來說係很大、很大的挑戰呢
已經有10幾年冇勾衫，而且我根本不太喜歡勾衫（太煩啦!又易勾錯花)
好啦!為了要做一隻獨特的賀禮，我比自已早一年實習先；用最省時的方法『請人教』
聨絡〝草〞並講出我的要求，剛剛她也試勾畢業公仔給小朋友；所以實在太好了！！
27–5–2011相約在旺角某地點，齊齊玩啦! 上第一課〝勾公仔〞
開心見到草及sandsand，我們第二次見面啊!
今次，〝草〞為我預備了材料及Pattern；但我好〝不乖〞啊! 不要波波面要牛奶妺面啊!!!所以那天只學了開針打結及示範了手和鞋的做法
噢噢噢!！！因為爸爸入院無法上第二課，唉!心急的我已請〝草〞mail公仔頭做法給我……收到後已急不及待，連日來坐車、食飯、上厠所也帶着冷線→→努力做織女
胆粗粗呀!自己摸索吓先………

嘻!面部減了小小針數

裙仔針數減得太多

頭髮是一條條織出的，裙仔是連身勾、帽是有夾層~~~~

10吋高的公仔，我用了4天時間完成………
若果20吋究竟要多少時間??????
…………………………………………………………………………
其實我還有很多練習的織物，相信遲些會再拆、再織………

包粽粽啦!

翻查我的包粽紀錄:
最早包粽日期是5月1日
最多粽款式係2010年
最多粽總產量168隻（今年已超過啦！還差15隻就到200）
以前每逢端午節，媽媽也會包很多粽給我們吃，小巧+實實的粽子；很簡單的饀一件肥肥的五花腩→流油的蛋黃→好味的花生………
當媽媽開始包粽，我總會坐在一旁幫手（哈哈!媽媽不認為是幫手，她會話我在倒亂!）日子有功，我己盡吸她的功力
差不多10年啦!已經享受不到媽媽的廚藝；唉!因為年紀老邁加上記憶力衰退、行動不便；每年這時候他們例必想吃粽子，所以〝包粽〞已經成為我端午節重要製作項目
今年好特別為我所愛的人度身訂造一隻隻合適的粽子
很開心聽到爸爸說：〝很耐也沒有吃過咁好味的粽〞
仔仔說：〝媽媽你究竟幾時先包粽比我食〞
朋友說：〝好鍾意你的粽，好多料……〞
我說：〝有你地欣賞很開心呀!〞
––––––––––––––––––––––––––––
網友Sandy整了〝粟米粽〞嘩!一見就愛上它了……
我買了新鮮的超甜粟+糯米(比例是1.5份粟米加1份糯米混合)
用粽葉包好放少量糖入水中烚約45mins
完美+好好好食(多謝Sandy好介紹)

新玩具–切肉機

每星期六、日，我都會出旺角看爸媽和煮飯給他們吃，下午便回家；而途中經過〝某〞店必入內尋寶……
今天雖然是下雨……
哈哈哈!行程照舊入內看看………
有兩部新玩意〝碎肉+榨汁機〞及〝切肉機〞
嘩!有20~30部新機，問問老闆幾多$$
答案係HK$50.00（又幾平）

就是它啦!德國出品"BOMANN" (全新的)

可摺合收藏

鋒利的切片還有雙重保險開關掣

哈哈!究竟除了切凍肉外切蛋糕得唔得呢???
上次Fian幫我買的靚牛可以用它來切薄片"十下十下"啦!!!