9月21日寶貝生日~~~~
開心可以一齊慶祝生日
今年沒有特別製作蛋糕來慶祝
因為好想食〝羊太〞的3D蛋糕
所以早早出聲請羊太預留時間~~~~

她實在太好人啦!仲親身送到大埔（感動呀!）

實在太靚，更不捨得切和吃
哈哈哈!羊太你的3D蛋糕好吸引，好多同事都想訂~~~

嘻!我又心癢癢想整
記得第一次整啷得又大又疏

第二次……死因不明!!總之加了色素就水、油分離

我會再努力找出原因，因為我有一團〝火〞
哈哈哈哈哈哈哈!!!!

芒果蛋糕

真大幪了……
答應了朋友在她生日會親自製作芒果蛋糕呢!!
雖然忘記了唯有急call一班好朋來家聚聚及補祝
最佳方法係〝十下十下〞讓我有時間特別為她製〝生日蛋糕〞啦！
早上，開工先發現只有2隻不同種的芒果
不過由於時間緊迫關係都要開始製作…………
下午，安頓媽媽後回家再繼續蛋糕的裝飾

眼看時鐘只得一個多小時，還要用小匙一粒一粒挖芒果肉相當花時間呢~~~
不過最開心是切開好有層次呢………又好好味！

哈哈哈哈!〝壽星女〞又驚喜+食得好鬼死開心！！………
昨天call我：「益你~~〝張達明楝篤笑〞飛要幾多張?」「8張」
哈哈哈哈哈哈…………我比驚喜你、你又比驚喜我!!!

久違的蛋糕

囡囡返HK之後，感覺上好似很忙………

加上自已感到很疲倦、總是覺得睡得不夠!!!所以早睡早起呢！……
10–7–2011仔仔的〝BB班〞同學仔+家長又聚會啦！
一年一次不定期的約會，今年有4位同學仔離開HK到UK繼續學業；（歎一句!為逃避HK的〝334〞新學制大逃亡）
現在只餘下2個同學仔（包括我的仔仔）留港繼讀努力面對新學制！！
難得的聚會，就是我動力的來源；整了馬卡龍、芒果糯米糍、生果曲奇、特濃朱古力蛋糕(特別鳴謝maymay及Fian多次的指導〝馬卡龍〞做法，讓我不會失禮人前。)
唉!!!!!當日我拿出馬卡龍小甜點時候，
那位高貴的同學仔媽媽先問材料成份之後說：「很難整架，出面賣的有很多口味，又唔太甜，自已冇辦法整到………」（哈哈哈!你末試又點知呢）
試後，幾個媽咪立刻攞紙攞筆要寫食譜，唯獨她沒有………!
到最後她都走來同我講馬卡龍的檸檬餡好特別和好好食!Yeah……她冇辨法唔讚啦!大大細細都欣賞唯獨她不出聲~~~（包括她的囡都不斷食、不斷讚）可惜冇影相……
我還製造了一個小驚喜比生日的同學仔
有內涵的〝心心特濃芝士蛋糕〞簡簡單單的裝飾也很好呀

希望明年的〝崇基BB同學會〞仍可繼續舉行

再戰心形蛋糕

心心呀～～～迷上你
朋友借給我的玩具是時候要歸還啦！！
但捨不得………
所以專程去尖沙咀Citysuper找尋
唉!情人節過後〝心心模〞唔見晒
心有不甘………問他地答案係賣晒!!!!!
又心有不甘………再問邊間shop會有?
答案係：銅鑼灣有一隻（唸都唔唸就要留貨）

就係它啦！！ＨＫ＄１５８兩件好抵呀!
哈哈……有排我玩啦!有咗它……又思前想後啦!（點玩呢?）
最後想到，但末知自己可否做得到～～～

唉!
就是它→→極〝老土〞的蛋糕紅+綠〝土〞到爆晒燈

清蛋糕+草莓芝士+草莓布甸+草莓啫喱鮮忌廉蛋糕
（但又出奇地好味……不消一日懺滅了！）
第二天，收到Fian急call召集人馬吃深海魚……
嘩!當然答應仲要一拖二！（嘻!好難得少爺仔都去，全因為Fian你條魚）
我還答應整心心蛋糕呢！！今回要努力、加油做好D

哈哈哈!全黃色（雖然有瑕疵，但總比草莓心心……進步了）

綠茶蛋糕+芒果芝士+芒果布甸+芒果醬淋面
（因為不想落太多魚膠粉影響口感，所以今回蛋糕很有動感出現〝走心〞；哈哈!又可能因為〝大師〞係我旁邊，令到我好緊張呢!!!）

「心心相印」蛋糕

〝情人節〞好特別的日子~~~

早前和朋友行經City Super發現有很多為情人節而推出的朱古力模、蛋糕模………其中一款蛋糕模很別緻
表面看來很普通，當切開後是〝心形〞
哈哈哈!細心研究的時候……朋友說：『你唔好買，我借比你玩』
得得得！！繼〝格仔蛋糕〞又再玩〝心心蛋糕〞

笫一次嘗試是〝士多啤梨芝士蛋糕〞–
（黃色+粉紅………太不出色了）完全無法突出心形

第二次再嘗試是〝朱古力+芒果芝士蛋糕〞

濃朱古力醬批底→面淋上朱古力醬→再用白朱古力寫字
（褐色+黃色………今次一定好出色）

來一個解體，讓大家便明白「心」從何來………

再來一個橫切面〝心心相印〞很特出呀!!!
不過這蛋糕模真的很大，是兩隻9吋蛋糕份量；所以需要找外援幫手才可以解決………（當然係住得近的人要幫手又幫口啦）

再做–格仔蛋糕

〝格仔蛋糕〞模已借了2個多月了，是時候物歸原主啦!

也找個籍口去〝院長〞家齊齊玩〝煮糕仔〞~~~~（哈!好好好玩）
（上次的格仔蛋糕很失敗……倒瀉籮蟹、弄到四周一團糟!!）
而且曾經答應〝院長〞整比她吃！
所以，星期五公司團年飯回家後，即刻開工………
12:30am開工→→→→→3:00am完成了2件組件
唉!看看時間，我己經冇能力再做下去了
但今次總算成功（同樣是戚風做法……黑白分明呀!）

星期六（很忙+很忙）
早上接媽媽回家→和親戚吃午→買糕料→〝煮糕仔〞啦!
玩唧花、繼續末完成的格仔蛋糕、玩貓貓、玩買餸、玩〝十下十下〞……總之好忙、好玩~~~

噢!!天氣實在太凍，手腳太慢啦!
唉!朱古力漿真是不易控制………本想用糖粉遮去部份瑕疵！！可惜沒有防潮糖霜………最後白色粉末消失得無影無踪；
由於時間不早了！！（差不多10點半啦!）切蛋糕~~~~

好開心好開心，今次內層靚仔好多啦！~~~~

再嘗一口，很軟綿綿的蛋糕，內含2種蛋糕味道和70%的朱古力漿
〝正〞我的至愛呀!

格仔蛋糕

聖誕節瘋狂的日子過後，便要開始清理飯枱旁的一箱箱物料……
其中的一盒新玩具，係購自US物主很慷慨地借出給我玩先………
難得有件好玩新玩意，即刻借去（好彩冇追我還……依家才醒起它！！）

好啦!昨晚開始行動了
細閱說明後……哈哈哈!
到最後都係唔跟說明書的譜譜做！用返自己慣常做戚風的譜譜（因為健康D：少油、少糖呀!）
一次過做兩種麵漿：朱古力味和原味

唉!衰懶（用細杯仔放大唧袋再倒麵漿………後果係冇咗大半麵漿+抹枱、洗衫）
分格地將麵漿唧入焗盆，然後取走中間的膠格，入爐焗~20mins
好開心………守候着它的變化

整蛋糕模我還是比較喜愛用不銹鋼模，因為用易潔模做出來的蛋糕外皮較硬，需要切外皮……好麻煩!

看看!這件東西在『宜家』買的，好抵呀6隻唧花咀、2個唧袋、1把膠刮、1把介蛋糕弓只需HK$50幾（切蛋糕好好用呀!）
哈哈!睇吓切得幾靚

又唉啦!
今朝早早起身要完成這格仔蛋糕，然後向〝院主〞交待結果
唉!衰心急（打好忌廉抹勻再淋朱古力漿，D漿仲暖就倒……邊位好肉酸呀!溶咗!唔上色）
唯有補鑊啦!……找到杏仁片去焗（一不小心撞親、又倒咗半呀!）
雖然係咁……總算完成了，亦趕及中午時份進行切餅
整體來說這玩具……不好玩（因為我有太多失誤）

我的〝士多啤梨芝士蛋糕〞

一輪節日玩意完了，是時候清理雪櫃快過期的食品
雪櫃有盒半士多啤梨（聖誕前你送比我的）、一盒忌廉芝士（快過期）、半盒淡忌廉（剩餘物資）、馬利餅碎（早幾星期前壓碎）！！
若果要分開食………再等一個月都末必食得晒!
最佳放法就是整〝士多啤梨芝士蛋糕〞
呢個組合，剛剛用晒餘下的食物………

天氣寒冷下，打芝士都很難打至軟身
混合了芝士、糖、魚膠粉、淡忌廉、果粒、果蓉……
發覺很已開始變硬………唯有硬着頭皮，一匙一匙填補空隙吧!
馬利餅底+3層士多啤梨芝士+2層蛋糕片+士多啤梨+啫喱

唉!見到〝它〞外型不錯……很擔心〝它〞冇內涵
晨早起……即切睇睇先→→→→

雖然內裏不太平滑、賣相差少少………
原來係有內涵、仲好滑、蛋糕好軟……我愛死字