新玩具–打蛋器

我真的好粗魯！！！2部打蛋器配件也比我打爛晒
心思思要再買部新的………
但它很大部………但價錢好鬼吸引………唸緊買/唔買？？？
早前行經〝雜貨店〞又同老闆吹吹水，最後叫他記得留一部〝打蛋器〞比我…………我要收它入我家門呀!
哈哈哈!上星期五老闆call我有貨，仲問6部可以要得晒嗎?
咁低的嘢~~~當要留住它再問吓我的〝Blog友〞………
下午不吃午飯啦!急急腳拖車仔出旺角取〝新玩具〞
放工啦!又急急腳叫專人車我返屋企開〝新玩具〞
一陣又急急腳去街市買蛋試〝新玩具〞
先看看〝新玩具〞樣貌

〝新玩具〞好靚靚呢!
各位買咗機的Blog友……我地要快D試機+交留心得呢！！

新玩具–切肉機

每星期六、日，我都會出旺角看爸媽和煮飯給他們吃，下午便回家；而途中經過〝某〞店必入內尋寶……
今天雖然是下雨……
哈哈哈!行程照舊入內看看………
有兩部新玩意〝碎肉+榨汁機〞及〝切肉機〞
嘩!有20~30部新機，問問老闆幾多$$
答案係HK$50.00（又幾平）

就是它啦!德國出品"BOMANN" (全新的)

可摺合收藏

鋒利的切片還有雙重保險開關掣

哈哈!究竟除了切凍肉外切蛋糕得唔得呢???
上次Fian幫我買的靚牛可以用它來切薄片"十下十下"啦!!!

無無聊聊四圍行

女人天生愛shopping…………
哈!!買衫我就麻麻地，但買食物、用具、布、家品…………
絕對是我的喜好
無無聊聊又走去周圍貢
嘩!好抵呀！

散件睇……係三件好得意的盒

叠高睇…………係一個雪人

加閃光燈再睇…………係白色的雪人盒
‧
‧
‧
共港幣十元正
好抵、但唔知點用！哈哈哈（依D咪係女人囉!）

挪威三文魚

識飲識食的同事們又有新攪作啦!
今次係訂購挪威三文魚（冇頭、冇尾、冇骨………HK$200）

不是太大條，真正的肥腩冇咗!

厚切（一路切己經有四隻手在旁邊等候……〝食〞）
好在明天沒有太多人來分享……否則唔夠分

挪威三文魚

識飲識食的同事們又有新攪作啦!
今次係訂購挪威三文魚（冇頭、冇尾、冇骨………HK$200）

不是太大條，真正的肥腩冇咗!

厚切（一路切己經有四隻手在旁邊等候……〝食〞）
好在明天沒有太多人來分享……否則唔夠分

中藥染髪劑

朋友傳給我中藥染髪劑
好像好有效，因為同事用後白髮漸變成黑……
哈哈……

材料：
首烏               二両
普利茶葉       二両
生地               二両
紅菜頭           一個
八碗水煑至五碗水,待暖淋在頭上,用剩放在雪箱內.下次用
========================================
後記:
再問清楚用家啦!
1)預備暖暖的染髮劑,一層一層的抹在頭髮上
2)用毛巾包裹頭髮,約焗一或個半小時
3)跟著清洗頭髮(此染髮劑有少許甜,一定要洗頭)
4)部驟完成; 染髮後呈紅褐色
5)沒有特定染髮次數,當發覺顏色不夠便可再染及焗!

工展會

今天是假期
下午向工展會場出發，哈哈哈哈哈！很多車仔黨
我也是車仔黨一份子！
可能還有少許頭痛，當買完麵及鼓油，再沒有意欲繼續採購，由於己經有兩車仔的貨品……（其實都行了2個多小時）
跟着便離開會場，哈哈！回頭看看
嘩！還有很多地方未看呢………但……（冇手挽啦！）

仔仔回來，這些東西幾天已可以完全消滅！！

血拼美食+購物

這個假期有兩個大型食物節會去………
我已經準備出溵！
第一場：是今天會展的〝冬日購物節〞+〝冬日美食嘉年華〞

哈哈哈……
超平的有：HK$20………7隻水樽（咁多！唔知點用）
                         HK$10………3巻約6m（平過日本城Cheap Cheap花紙）
超值的有 ：HK$100………電飯煲（原來電壓唔合US用）
超多的有 ：HK$168………陶瓷刀（送切肉刀、刨）
                 HK$480………陶瓷煲（送萬能膠2件、刀、剪、切板、勾n件）
超XD的店：HK$400……嚮螺肉（寫咗九佰元單比我去抽奬，中咗包喉糖！）
‧‧‧‧‧‧‧‧‧‧‧‧‧‧‧‧‧‧
還有，
第二場：工展會（31號再出激）

報告

其實心裏也有預感………

今天九時到達診所看驗血報告
              。
              。
              。
              。
          空腹4.8mmol/L
飲高濃度糖水約8.6mmo1/L
係末超標，但也很接近界線
      為安全計，少吃甜啦！
      愈推得遲，這就是福

驚

明早要抽血……
很驚、很驚、很驚
要面對一個黑面化驗師…………她同我抽血呀！
2個小時內抽2次（今回死得啦！）
驚、驚、驚
記得上次她同我抽血，在同一針口位、用同一枝針、用不同的方向（東、南、西、北方）找尋血管，重死唔放棄‥‥‥
竟然話：〝實得架〞
大姐呀！我都知實得架！她都唔人地D感受
後記：
今日比個位大姐激死……話咗難抽要用蝴蝶針，她死唔信……
係要用大針！
唉，針筒冇血到重要抽、抽、抽……左抄抄、右抄抄
整到人家表皮〝雨晒〞重問點解
真係死得啦………