重大的挑戰

睡不着！！4點爬床心思思有事要………
這幾星期腦海不停的想，我要為我的寶貝造一隻好特別的蛋糕……
自從看過羊太的立體蛋糕後，很希望自已也可以做；無奈自己技術很有限，一直不敢嘗試（怕失敗）！
喔喔喔喔！21號便是囡囡的大日子（21歲生日+返US開學）
無時間啦!
今天是星期日，不需要返工！不要空想，行動了吧!
這是個好好的實習機會，更加是自我的挑戰………
首先努力焗很多隻清蛋糕

哈哈哈！跟着見步行步吧!……我會盡力打做出一隻似樣的寶貝給你
2009 送給你Barbie
2010將會送給你Pooh pooh（我會盡力打做另一隻似樣的寶貝給你！）

〝月餅〞停產了

繼冰皮後、嘗試整廣式月餅………
唉!我家的大爺、少姐及少爺仔原來完全不喜歡吃廣式月餅
唉!唉!!!我還努力硏究餡料………甚樣才算好吃呢!
唉!唉!唉!……今晚所做的月餅唯有找人吃掉吧!

今早混合材料後出街……到晚上返家搓皮，有D稀……點算！
最後决定加麵粉再搓至不黏手（原來係冇問題的）

壓模後→噴水→入爐焗5分鐘→（好似橡膠呀！）出爐掃蛋漿→

再入爐焗15~20分鐘………完成啦

1) 松子+腰果+金翡翠月餅（班蘭葉、白蓮蓉）
2) 全咸蛋黃+白蓮蓉月餅
兩款月餅都是我的至愛（可惜………已不可多食、超重啦！要減減減減減減！！）

繼續月餅………

玩玩玩…………好好玩呀!
玩冰皮………
玩煮餡：有榴蓮、芒果、菠蘿、綠茶、綠豆、紅豆味………

四色冰皮…………（哈哈哈!今回夠數了，冰皮可以收工啦!）

接着就是要玩廣式月餅（當然要取經後才開工）
大清早，心思思做咗月餅皮先（混合材料……帶返公司搓！！）
食飯後，開工啦！（唔該晒MayMay同我買隻靚靚盒，可以送月餅比人）

第一種是廣式月餅皮，
餡料是金翡翠+松子+波皮粒（哈哈！代替咸蛋!）

第一次整算是成功了，很滿足啦!
接着是曲奇皮奶黃月餅………

好似好靚靚………其實、奶黃餡失敗了！！（很軟身!）

所以改成曲奇皮+蓮蓉+咸蛋黃
（我不太喜歡蓮蓉月餅，哈!看看誰能清了它………）

再做冰皮

答應了Fian整冰皮月餅給你吃，我記得架！………
哈哈哈！第一批唔理想，第二批要好好反思啦！用心去做好D比你試（補祝你生日快樂!)
哈哈哈!又答應了你比個連環步驟，去相
‧
‧
‧

齊備材料，原來用棒壓平…可以很薄

榴蓮餡包個斗斗………

再放入鮮榴蓮肉（曾試過成粒狀……好難包的）

封囗（哈哈哈！有小小包唔晒……）

再包冰皮……

壓模……完工，依然係兩款味……黃色=芒果，白色=榴蓮

直切面看看！嘩!芒果好靚，榴蓮好味！！……
原來即食冇咁好食架，要雪1天才更美味
（Fian、MayMay收唔收貨?夠唔夠詳盡?）

炎夏的農田近貌

炎熱、多雨的夏季………
已接近3星期沒有視察我的農地！
心中非常不安……究竟近況如何？？？？

嘩！雜草一堆………我的圍欄也被埋沒了！
看來要快、快、快、快……清理雜草了

哈哈哈哈！農地舊貌………天淵之別！！！！

芒果冰皮+榴蓮冰皮（附餡譜）

快中秋節啦!
唸起舊年所整的冰皮就嘔心！（冰皮預伴粉太甜、現成饀料難食!）
今年早早整冰皮月餅給囡囡試試先
（雖然她不太鍾意吃甜品!!    哈哈……讓我有動力去試整啦……）
很想整芒果餡、榴蓮餡，一於四圍摷、四圍尋、睇吓有冇得偷或級………睇晒都係得如月Blog有冰皮餡，但係得綠豆、南瓜、蕃薯和粟子……（很失望呀!）
昨天已預早一天跟吳太的譜譜準備了冰皮先（不太甜又滑的冰皮）
難得今天很清閒……昨天已早早預備了冰皮（跟吳太的冰皮不太甜又滑的冰皮）下午去街市買了2大隻金枕、9隻芒果，開工煮餡啦！
係完全冇譜下，很隨意加料去煮煮煮煮餡………
第一樣是餡料靈魂：綠豆茸

再隨意加入很多很多的芒果茸煮成的芒果餡（味道似蕃薯多D)

更隨意加入很多很的榴蓮茸煮成的榴蓮餡（味道似榴蓮膏)

樣子也算合格，但冰皮就愈整愈厚！下次要嘗試壓皮希望會薄一些

來看看冰皮月餅的直切面吧！（係咪好厚呢!）
有榴蓮肉的榴蓮冰皮………看不出的芒果流心芒果餡冰皮

共做了22隻（哈哈哈！很快的有4隻落肚了）還餘下不少綠豆茸………
可以再做綠茶味！草莓味!菠蘿味!………

補榴蓮餡料譜譜：
材料：榴蓮肉  350g
            綠豆茸   75g
            鮮奶     130g
            菜油 20g
            澄麵 30g
            糖       （視乎果肉甜度）
做法：榴蓮去核取肉，壓成茸
            混合所有材料（先將澄麵用奶攪勻至冇粉粒）成糊狀
            菜油入鑊（易潔鑊最好)，加入榴蓮糊慢火炒
            約炒30分鐘，待涼（最上圖的榴蓮餡仍需繼續炒，最下圖的餡是完成）
備注：這份量的榴蓮餡約重350g，大約可做15隻冰皮
            太乾→再加果肉或奶再炒（緊記慢火炒至乾身）
            太稀→可加澄麵水混合再炒
             （哈哈哈！昨天又再炒啦!準備第三轉………）

糖膏公仔

2009年嘗試過用杏仁膏做聖誕老人和雪人………
2010年MayMay靚提起用糖膏做公仔………
噢！末試過用糖膏做公仔，哈哈哈！大家相約日子齊齊玩啦
原來一包350g的糖膏可以整好多隻公仔架！

MayMay你有冇開工整？明天再繼續否則很快乾

連續做Cake

很放心呀！新工人都好自動波（除了煮食還需多學習外）
這兩天又開始整蛋糕啦！
7–8–2010 "草莓蛋糕批"
因為舊朋友聚會，籍此機會多加練習
但不知點解個慕絲做得不好，要重新再做………
但也不太理想，所以改成兩層蛋糕再夾慕絲面………

8–8–2010 "芒果芝士蛋糕"
又應囡囡要求教整，但可惜她太疲倦了，完成清蛋糕底就豬咗!
餘下的唯有〝阿媽〞你的………

快有工人的日子

再過2天新的工人便到達香港啦!
哈哈哈…………
有小小不想她這麽快，因為……
不會享受到仔囡煮的晚餐、大爺洗碗碟及收拾廚房、我負責掃地
回味他們的廚藝（我負責切件部份)

翠玉瓜炒粟米蕊+薯仔紅蘿白炆雞

尤魚卷炒粟米蕊豆角+松草花金針蒸雞

茹仔扒生菜+蒸豬肉餅

肉漿意粉焗青囗…………
發覺到很多事情，只要比多些信心和信任給他們，那怕有多困難、其實他們每事都可以做得好好…………