特濃朱古力蛋糕

20-9-2010同一天下午，短短5個小時內要造2個蛋糕（包括出旺角購買材料、Poohpooh立體蛋糕.、特濃朱古力蛋糕）對於我這個蛋糕初哥，真是困難重重！

事源某某人送了一盒特別版GODIVA朱古力和可可粉，還附上一句想吃我整的朱古力蛋糕………嘩!好有壓力呀！
在這情況下，唯有做有把握的朱古力蛋糕先（好彩硬琳比咗抱抱咋）一於跟！
出事啦!！！！
唉!我跟又跟唔足、睇又睇唔清楚、又要加多D新嘢………
到頭來唔夠朱古力慕絲、份量少咗、淋面朱古力太濃、出現下塔現像………

哈哈哈！心情極度差，看看時鐘5點啦!!!（心情壞、叫攞嘢、冇人理、唯有向工人姐姐發惡……所以她最慘是她）
唉!我的特濃朱古力蛋糕草草收場入雪櫃啦！（晚飯後，齊齊解決它咗!）

接着便要開工做立體蛋糕！
又出事啦!！！！
淡忌廉係完全打唔起，走晒樣（新買架，又冇過期、激死我）唯有叫囡囡落街買………再打、再唧！！
完工已經係晚上10點啦!………

最後留待21-9-2010囡囡生日（正日）才切蛋糕慶祝……