5月份是仔仔的生日難得他說今年不用買蛋糕慶祝
他想我做〝朱古力蛋糕〞~~~
嘩嘩嘩!他要我整蛋糕
(確少有……証明我進步咗?)
要唸唸有甚麼特別的款式呢!!
初步構思是〝球體蛋糕〞
Lucy家姐帶我到南豐中心~~~那處有3間烘培店!(嘩!有一間價錢比二記仲平)
我地做咗格價專員上上落,邊處平就買邊樣;買得極之開心……
還有比我發現了這個模,合晒我心意又經濟
我的新模、又有高人指點,即刻開工,免得忘記……
全蛋法
可惜蛋糕漿落得太少,還好今次是初嘗試!
好鬆好靚呀!
昨天看到Blog友五味軒整了〝微辣XO醬〞送給吳太的
嘩!吳太要加碼………想必定是極品啦!~~引死我啦!!!
不得了心思思要行動
家中還有2包瑤柱~~~~,加上提早放假無所事事、即刻上街巿找尋蝦乾(嘩!好貴呀HK$220一斤),還好這個假期商場做展銷,不用四處找尋靚靚蝦膏……
最慘和最辛苦的人是我家的姐姐,每件材料都要用刀分別切碎,又不可以用攪伴機(用機攪太碎又冇口感呢!!)
哈哈哈!儍儍的我話做就做……究竟落幾多油?煮幾耐?要切幾碎?幾多調味料呢???末清楚已開工啦!!
唯有隨心意加或減了些材料吧!~~~~~~
材料:
瑤柱半斤
蝦乾半斤
紅葱頭三小袋
蒜頭12隻
金華火腿一包
蝦膏60g
指天椒10隻(細)
調味:
生抽、老抽、魚露各兩湯匙及糖1茶匙(備用)
薑蓉、紹酒少許(蒸瑤柱用)
檸檬汁2茶匙
做法:
1) 將紅葱頭、蒜頭、金華火腿、指天椒、蝦乾各切成細粒備用
2) 瑤柱浸發撕成絲,混入酒和薑隔水蒸20分鐘
3) 之後將瑤柱絲和瑤柱水分隔;瑤柱水再煮溶蝦膏備用
4) 落油,出煙後落紅葱頭炒至透明→落蒜頭炒香→落蝦乾炒→再落金華火腿→瑤柱絲等不斷翻動炒(不夠油可添加)
5) 約10分鐘後續少加入調味料,再煮;之後倒入瑤柱蝦膏水同煮至乾身!
6) 預先清潔及消毒玻璃樽(樽可放入焗爐低溫烘乾消毒)
7) 隨即將XO醬裝入樽內,封蓋後反轉樽身待涼
(這動作等同真空處理,可保存耐些)
後記:將所有材料、工序一一記下,暫時也不會再做啦!但恐怕日後會忘記呢!!
裝飾後,送給我的至愛親朋們~~~
我的大Project完成了
今天的蛋糕成為了各人的焦點,每位嘉賓及會員都爭相拍攝及和蛋糕合照;還有些人提起蛋糕拍照(哈哈!比我即刻制止,由於餅餅要善待呀!否)
我則守候蛋糕旁(因為我負責切蛋糕!!)有趣、有趣他們的問題是你開餅店架?點焗架?有冇接order…………一連串的問題,其實在讚賞聲中的背後……!!
唉!倒數的兩天,還輕輕鬆鬆,時間尚多;星期五Fian教我整〝馬卡龍〞我証明到爐冇問題,做唔到係〝人〞的問題~~~
星期六去驗身行街買餸直到7點後才慢條絲理去開工做芒果芝士蛋糕……一心唸着整〝芒果芝士忌廉〞冇這麼大的模,為了省時,用硬咭紙包錫紙做了隻10〞x16〞的長方形圍邊;哈哈!滿心歡喜,省時又方便,若果〝掂〞以後唔使買凍模圈啦!
一層一層的:清蛋糕+芒果芝士+清蛋糕+芒果忌廉+芒果啫喱面
出事啦!
咭紙……始終係〝紙〞
點可以同不銹鋼模比呢!!
眼見我的芒果芝士蛋糕開始變得〝大肚〞芒果啫醬喱愈來愈少……
唉!夜麻麻倒垃圾、洗雪櫃;時間係零晨3:30am……
唉!冇芝士→冇糖(我又唔識變魔法………只好上床睡,明天會更好的
晨早叫姐姐買材料,自已在家焗蛋糕………
看着時間一分一分地過去,我佔據廚房不許任何人用
自已不停提醒自已〝定D〞不能出錯,否則………
11:30pm 進行包裝
1:00pm 坐小型貨車運送
1::45pm到達會場
1:50pm 後期加工,(我緊張到手震呢)
3:00pm 切燒豬+蛋糕儀式