久違它

已有一段時間荒廢了它!
末來的日子會再續

攪笑的花籃蛋糕

Before

After......

......

畢業+生日蛋糕(下集）

用了一個月的時凖備了糖膏公仔和通花球…
目的係要〝它〞乾透，可以帶回美國保存
若果保存得好，起碼3、5、7年啦

 

在生日派對的前一天準備2種口味朱古力蛋糕
–特濃朱古力蛋糕做底層
–香橙牛油朱古力做中層

用朱古力批平蛋糕

包入糖皮……

中層7〞蛋糕（有名架!）

底層11〞蛋糕!!用棉花糖做收口

 

笫二次做3層蛋糕，來得輕鬆很多
因為吸收了上次的失誤，今次容易得多……

好開心，又挑戰成功!!

靚女和Auntie送給她的中學畢業公仔、畢業生日蛋糕和美食大合照………
（估不到30幾人可以很快清晒食物和蛋糕……）

畢業+生日蛋糕(上集）

死黨為要慶祝女女18歲生日……
特別預備驚喜生日Party啦!
我當然要盡心盡力幫手準備啦!
早在個多月前已開始準備做一隻獨一無異的糖膏公仔
唉!
原來潮濕天氣做糖膏製品真是有極大的困難……
〝抽濕〞是極極極極極重要的一環

這是蛋糕的頂部裝飾……
胆粗粗……新嘗試，憑直覺的唸法去做這通透球體!!
嘻嘻嘻!成功左…………

之後問些經驗人仕才知他們是吹脹氣球整的!
但我仍然覺得我的做法不錯，只是技巧末夠熟練吧!
這把頭髮倒考起我!
找來很牙簽一條條卷起……一條條插入（又係糊亂唸、糊亂做！！）
哈哈!小小的鞋子，好可愛……

依家看見她坐得很穩陣呀!
其實早前因身軀不乾透曾倒下多次了，再翻修……
組合後………
再來個360度睇睇呢！！……
超滿足!
這只是頂層係唔食得；原因係我要做給她帶回美國留念的
還有2層朱古力蛋糕，要遲些再post出遲……

第三隻畢業公仔

原來外國中學畢業好大件事架!
有畢業袍着、大型畢業典禮……一連串的活動!!
(相比較仔仔的畢業禮就好小型啦!!）朋友特別為囡囡訂製一隻畢業公仔…（嘩!連運費都差不多壹仟大洋）
跟著返香港旅行3星期、攞成人〝身份証〞……
開（大型）生日會慶祝……
組團去旅行……哈哈!行程緊密，節目豐富！！

這個囡囡看着她出世，而且愈大愈靚女；又是我仔、女的兒時玩伴…
她開聲要我鈎隻畢業公仔比她…
我真是不會拒絕她啦!!
但……確實辛苦；
因為她媽媽指定要我做隻生日蛋糕慶祝她生日，更希望她覺得好特別、好驚喜!!!
所以很急、很趕（遲小小再放我精心的蛋糕）

今次鈎的時間短左（因為熟手），更加改良了身體，還加入手指（更神似呢）


更配合埋她畢業袍和帽的顏色!小妹還可獨立企呀!!

兩隻畢業公仔併排影返張相……好可愛，好滿意
帽的頂部還綉了她的名字，特顯身份~~~~

台山咸肉粽

每年端午節我也會早早包粽的……

但今年好像提不起心情，或許是對媽媽的一份思念；

媽媽教懂我包粽，從她體弱後，多年來也擔起這責任包給她吃……

但媽媽離開我一年了!!包粽令我好懷念她

身邊的朋友不斷追問幾時包粽、幾時教她們!!我沒有回應

當我問爸爸和姐姐想食我包的粽嗎?原來他們是很想吃我親手包的粽，只是怕我太忙………

 

當去到街巿買材料時，發覺食材真係貴了很多……

咸蛋HK$2.50壹隻；粽葉28元壹斤；五花腩也很貴；
還有綠豆、花生、火腿、粟子、蝦米、瑤柱等樣樣齊備；
可以約埋朋友開工，順便教教她包呢!

今次最特別會加入〝紅絲線〞

因為街市菜檔姨姨幫我買靚靚咸蛋，所以第一批（50隻）粽已預了4隻給他!!

今天再到街市準備買料再做第二批，見到老闆盛讚粽好食，包得好，夠實；
還問我是否台山人？？？奇怪呢！（事實上爸媽祖籍也是台山）

原來媽媽教我做的特色粽是有名堂叫〝台山咸肉粽〞；而老闆自已也是台山人……
他還說若果能加入〝紅絲線〞來腌肉就更香、更好；
他即刻從雪櫃搜出一大袋植物〝紅絲線〞送給我包粽

原來〝紅絲線〞功效奇多清肺止咳，散瘀止血；新鮮的更難求………
真的要多謝老闆教識我

 

新嘗試〝結婚蛋糕〞（二）

用了數星期時間等待〝結婚公仔〞乾透是十分艱難的
日子相當緊迫，還好Party在星期日晚上，所以有星期六及日兩天工作
由於是初嘗試，完全冇傳統的框框規限……
所以今次的蛋糕用〝海綿蛋糕〞做法！！
目的是希望冇咁甜、健康D、好食D……
但都有一定的危險係蛋糕太重容易下陷!!
最後我決定博一博
其實這蛋糕中間藏了個小〝秘密〞呢!要令新人切開後有個〝驚喜〞架!!
估到是甚麼嗎?
……糖皮包面會令蛋糕靚D……但絕對好睇不好食!!!

 

……加上裝飾後!自己也坐下來欣賞一番………

 

嘩!!!嘩!我的笫一次………
落着大雨由新界運送到筲基灣叻叻呀!安全地安置在會場；
蛋糕差不多18〞高………

還記得小〝秘密〞嗎?
大家一邊吃一邊欣賞……（開心+開心呀!）
哈哈哈!嘉賓中有位做餅師傅也讚好吃!!
哈哈!!收晒、收晒……我仍會更加再努力做蛋糕

新嘗試〝結婚蛋糕〞(一)

2013年開始很少post我的蛋糕!
原因係很失落，始終覺得做起蛋糕來不能得心應手!
很灰呀!!
雖然係咁，我都冇懶………依家開始努力鑽研新野和進修呢!

今年3月尾朋友仔結婚，好想做隻結婚蛋糕送給他呢~~~
但又怕〝衰〞左送唔到比人!
唯有練習下和玩神秘，希望能給他一個驚喜比他!

首先係做一對糖膏公仔
嘩!嘩!嘩!嘩!嘩!嘩!原來潮濕天氣做糖膏簡直係想死……
好難乾、好易軟、好易走樣…
所有大大、小小抽濕器、抽濕包、防潮箱………通通要出動

近照：一對係畢業功課、一對是送給新人

全身照……左：笫一次做7"高， 右：第二次做5"高

360度觀賞先..........

場地冷氣不夠!!!
一小時後，頭髮開始濕濕地………（哈哈哈!落雨??）
即刻收入盒

再鈎〝結婚公仔〞

上次幫囡囡鈎了一對〝結婚公仔〞已送給朋友結婚……

今次再鈎〝結婚公仔〞係囡囡的同事落order……

難得有人欣賞、又有時間、又有酬勞

哈哈!……去馬由於時間緊迫，唯有將上次不滿意的公仔取出作出修改!!

自己都覺好快、好快……（隻男仔仲好可愛）

用了半天大約6小時完成！！

 

男仔的畢業公仔

又快到畢業時間啦!
早前利用whatsapp將自已鈎公仔的心得分享給Blog友，真是很有趣，又幫到人……
証明科技發達，資訊傳送多麽容易……
看到她由零至成型，我很開心呀！！
她鈎了兩隻給兩個囡囡，佩服+利害；兩隻具愛心、又獨特、又別具意義的畢業公仔

和朋友講起這件事!
她竟然番舊脹……〝你應承鈎隻公仔比我仔大學畢業架!幾時有呢?〞吓………（係咪真架？？？）
即刻返屋企找尋冷缐，急急急急開工（因為她5月飛美國觀禮!我放低又唔會鈎呢!!）
利用坐車、睇電視、去厠所、瞓少D時間不停鈎、鈎、鈎、鈎、鈎、鈎
嘻嘻嘻!要讚吓自已先……
二日完工………男仔畢業公仔約10〞高組件圖呀!!注意它有底褲架


仲有名小男生"Chapman"的名，絕對手做；獨一無異