網頁

2011年8月16日 星期二

彩繪蛋卷(2)

做了兩種不同份量的蛋巻………
分別給仔仔品評,希望做出一種適合自己口味的蛋卷!!
看來仔仔大個了,不是看一眼便算
他好認真去分析兩隻蛋卷的不同處、建議改良方法
今早7時起床打忌廉、切芒果………


好靚呀!自家製可以少忌廉……(好好好味!)
晚上改良食譜後再做

2011年8月15日 星期一

彩繪蛋卷(1)

買了〝新玩具〞當然手又癢、心又癢啦!無耐時間不夠用
等、等…………(唉!比冰皮跑贏了;做了8隻先!)
偷得下午半天時間立刻作測試~~
原因係朋友借了本別緻彩繪蛋卷書及早前在Prime's Blog中見過
好靚呀!!!
齊備所有材料及用具……開工呢
大機真係大機呀!!!!
5L的斗斗放入3隻蛋黃………開機
1度太慢→2度快咗D→3度快快快→4度?????
點解〝3隻蛋〞仍然係〝3隻蛋〞??
蛋黃仔好舒服呀!!!………〝原封不動〞
以後咪唔可以整少少份量
開心呀!要看看我的像〝手巾〞的卷蛋啦!(明天才加cream!!)

想整草莓圖案,但開得稀,入爐後………ooh no

嘻!咪理咁多啦……開朱古力及綠茶水,點點點、畫畫畫吧!

哈哈哈!還引到囡囡都要做埋一份(她話要送比人吃~~~)
原本真係好吸引的
多謝Prime你的蛋卷譜譜得呀

2011年8月9日 星期二

新玩具–打蛋器

我真的好粗魯!!!2部打蛋器配件也比我打爛晒
心思思要再買部新的………
但它很大部………但價錢好鬼吸引………唸緊買/唔買???
早前行經〝雜貨店〞又同老闆吹吹水,最後叫他記得留一部〝打蛋器〞比我…………我要收它入我家門呀!
哈哈哈!上星期五老闆call我有貨,仲問6部可以要得晒嗎?
咁低的嘢~~~當要留住它再問吓我的〝Blog友〞………
下午不吃午飯啦!急急腳拖車仔出旺角取〝新玩具〞
放工啦!又急急腳叫專人車我返屋企開〝新玩具〞
一陣又急急腳去街市買蛋試〝新玩具〞
先看看〝新玩具〞樣貌






〝新玩具〞好靚靚呢!
各位買咗機的Blog友……我地要快D試機+交留心得呢!!

2011年8月5日 星期五

4+1"中大廚房"

中文大學新落成的教學大樓的酒店管理學系附設的廚房及餐廳………好想去見識吓!!!
哈哈哈哈!因工作的關係有幸可以深入禁地呢~~~

廚房的一角(仲係這兒玩過一堂咁多!!)

臨時的餐廳一角………
今天放假相約了3位靚人+1位靚女共進午餐

set lunch + dessert 比較喜歡甜品多一些

這個好似叫Chocolate Affogato~~~~~

噢!咖啡附加馬卡龍一粒………
靚女話媽咪整D馬卡龍好味得多~~~
(雖然我冇試,但睇樣都知啦!)